ال ءبىز، قازاقتار، 25 جىلدا نە ىستەدىك؟
ءبىز ءوز جەرىمىزدى ارماندادىق، ءبىراق بىزگە تيگەن جەر ارماندايتىنداي ەمەس ەدى. بۇل تاياۋ شىعىستىڭ ساز-بالشىقتى، وڭتۇستىگى قۇمدى، تاستى، ىسكە جارامسىز الاقانداي عانا جەرى بولاتىن. بىزدە تاستى جەر مەن ماساعا تولى ساز-بالشىقتان باسقا تاڭداۋ بولعان جوق.
مۇندا ءبىرى - ولگەن، ەكىنشىسى - ولۋگە اينالعان ەكى وزەن بولدى. ءبىرى الەمگە تانىمال بولعانىمەن وندا سۋ جوق ەدى، دالىرەك ايتسام سۋ مۇلدەم جوق ەدى. ەشقانداي تابيعي قازبا-بايلىقتار - مۇنايدا، التىندا بولعان جوق. سول كەزدەرى تاياۋ شىعىستا ەكى ءتيپتى ەلدەر بولدى: ءبىرى - مۇنايلى ەل، ەكىنشىسى - قاسيەتتى ەل. بىزدىكى انىق قاسيەتتى ەدى، ويتكەنى مۇندا مۇلدەم-مۇلدەم ەشتەڭە بولمادى.
ءبىز جالعىزسىرادىق. ءبىزدىڭ ءدىنى ءبىر باۋىرىمىز، ءتىلى ءبىر قارىنداسىمىز، تاريحى ءبىر كورشىمىزى بولعان جوق. مۇنىڭ ءبارى حولوكوستان كەيىن بولدى. ءبىز بۇل جەرگە كەلگەندە ءتىپتى، نە ىستەرىمىزدى دە بىلمەدىك. شىنىمەندە بىلگەن جوقپىز.
جۇرتتار مەنەن: قالاي بەلسەندى ءومىر سۇرۋگە بولادى؟ - دەپ سۇرايدى. بۇل وتە قاراپايىم. ويىڭىزداعى جەتىستىكتەر مەن ارماندارىڭىزدى ساناڭىز. ەگەر ارماندارىڭىز جەتىستىكتەرىڭىز كوپ بولسا، وندا ءسىز ءالى جاسسىز، بەلسەندىسىز.
ءبىز تابيعاتتىڭ ەڭ باستى بايلىعى - ادام دەگەن قورىتىندىعا كەلدىك. جەر ادامداردى ەمەس، ادامدار جەردى بايىتتى.
ءبىز ءبارىمىز عالىم بولدىق. يزرايلدەگى ءاربىر فەرمەر اۋىل شارۋاشىلىعىن قالاي سۋسىز، جەرسىز دامىتۋعا بولادى دەگەن تەرەڭ ويدىڭ جەتەگىندە ءجۇردى. ءبىز جەردى وڭدەي باستادىق. بۇل الەمدەگى حاي-تەككە نەگىزدەلگەن ەڭ العاشقى اۋىل شارۋاشىلىعى بولدى. مەن ول كەزدەرى اۋىل شارۋاشىلىق ينستيتۋتىندا ستۋدەنت ەدىم. ءبىز اعاشتاردى سولاي ىستەسەك دۇرىس وسەدى دەپ، ىستىق سۋمەن سۋاردىق. سونىمەن، تەك جەرگە عانا ەمەس، حاي-تەككە نەگىزدەلگەن اۋىل-شارۋاشىلىعىن جۇزەگە اسىرۋعا بولاتىندىعى - تالايلاردى تاڭعالدىردى. قازىرگى تاڭدا، بىزدە سۋ جەتكىلىكتى. ءبىراق، سۋدى بۇلاق كوزىنەن ەمەس، وڭدەپ الامىز.
اۋىل-شارۋاشىلىعىن دامىتۋدا سۋدى تۇشىلاندىرىپ، سۋدى از قاجەت ەتەتىن كوكونىس تۇرلەرىن شىعارىپ، سۇرىپتاۋمەن اينالىستىق. مىنە، ناعىز قۇپيا: بولاشاق ءۇشىن سىزدەردىڭ تاپقاندارىڭىز ەمەس، وندىرگەندەرىڭىز ماڭىزدى.
بىزدە حالقىمىز بار-جوعى 450 مىڭ عانا ەدى. بۇرىن جاۋلاسپاعاندىقتان، بىزدە قارۋ-جاراقتا، گەنەرالداردا، اسكەري تاجىريبەدە بولعان جوق. ب ۇ ۇ يزرايل مەملەكەتىن قۇرۋعا شەشىم قابىلدادى، ءبىراق سوعىس ءورشىپ تۇردى. ءبىز نە ىستەي الار ەدىك؟ ەكى نارسە.
ءبىرىنشى - حالىق ەرجۇرەك، باتىل بولۋ كەرەك ەدى. ولار بىزدە جەڭۋدەن باسقا تاڭداۋ جوق ەكەنىن تۇسىنۋگە ءتيىس ەدى. ەگەر ءبىز ءبىر رەت جەڭىلسەك ءبارى ءبىتتى.
ەكىنشى - بىزدە قارۋ-جاراق بولماعاندىقتان، ونى ءوزىمىز جاساۋعا ءتيىس ەدىك. اسكەردى دامىتۋ ءۇشىن، بىزگە ءى ت دامىتۋعا تۋرا كەلدى. يزرايلدىڭ ءى ت سەكتورى اسكەرگە جۇمىس ىستەدى. سەبەبى ءبىز، جان-جاقتان قورشاعان قالىڭ جاۋدىڭ ورتاسىندا قالعان بولاتىنبىز.
بۇنىڭ ءبارىن سىزدەرگە نە ءۇشىن ايتىپ وتىرمىن؟ ءالى كۇنگە دەيىن، بارلىق جاستارعا سەندەردىڭ وزدەرىڭ ويلاعاندا، مۇمكىندىكتەرىڭ جوعارى دەۋدەن ەش شارشاعان ەمەسپىن. جالقاۋ بولماڭدار. سەندەردە جەردىڭ بەرەرىنەن دە مول، مۇمكىندىك بار. سەندەر وزدەرىڭە بەرىلمەگەن قاسيەتتەردى تاۋىپ، جاڭا دۇنيە جاساي الاسىڭدار. بۇل ءبارى ءۇشىن ۇلكەن ساباق...
P. S. ال ءبىز، قازاقتار، 25 جىلدا نە ىستەدىك؟!
massaget.kz
