الەمدەگى ەڭ العاشقى سايتقا 25 جىل تولدى

استانا. قازاقپارات - الەمدەگى ەڭ العاشقى سايتتىڭ پايدا بولعان ناقتى ۋاقىتىن بىلەسىز بە؟ 1990-جىلى 20- جەلتوقساندا عالامتور كەڭىستىگىنە شىعارىلعان دۇنيە جۇزىندەگى ەڭ العاشقى سايت يادرولىق زەرتتەۋ جونىنەن ەۋروپالىق كەڭەسكە (Conseil Européen pour la Recherche Nucléaire - ЦЕРН) تيەسىلى بولعان ەكەن، دەپ حابارلايدى Engadget-كە سىلتەمەمەن 24.kz.

باستاپقىدا سايت تەك تسەرن قىزمەتكەرلەرى ءۇشىن عانا قولجەتىمدى بولعان. وندا عالىم تيم بەرنەرس- ليدىڭ جاساپ شىعارعان World Wide Web (WWW)  گيپەرماتىندىك جوباسىنىڭ ءمانىسى تۇسىندىرىلگەن. بۇل جوبا قۇجاتتارعا جاسالعان گيپەرسىلتەمەلەر ارقىلى ارىپتەستەرمەن اقپارات الماسۋعا مۇمكىندىك بەرگەن.

بەرنەرس- لي WWW جوباسىن باسشىلىق نازارىنا ۇسىنىپ قانا قويماي، URL يدەنتيفيكاتورلارىن، HTTP پروتوكولىن جانە HTML ءتىلىن جاساپ شىعارىپ، وسىنىڭ ءبارى دۇنيەجۇزىلىك عالامتوردىڭ نەگىزى بولىپ قالاندى.