تاريحى 25 جىل بولعان «نۇر- مۇقاسان» توبى تارايتىن بولعانى ما؟

استانا. قازاقپارات - قازاق ساحناسىندا ۇزاق جىلدار بويى اۋەزدى اندەرىمەن، ءارى تۇراقتىلىعىمەن كوزگە ءتۇسىپ جۇرگەن «نۇر- مۇقاسان» توبى تاراپ جاتىر دەگەن وسەك ەل اراسىنا تاراپ كەتتى.

«ءبىر جاعىنان حالىققا توسىن سىي جاسايمىن دەپ، ءبىر جاعىنان ءوزىم دە قازىر جەكە «سولنىي» البوم جازىپ جاتقانىم قۇپيا ەمەس، ارينە. سونىڭ باستاۋى دەپ بىلۋگە بولادى»، - دەدى مۇقاسان شاحزادايەۆ «گاككۋ» تەلەارناسىنا.

25 جىل تاريحى بار توپتا ونەر كورسەتكەن قوس ونەرپاز جەكە ەشقاشان ءان ايتپاعان. كەرەك دەسەڭىز، نۇرلان تەك ەكىنشى داۋىستا ءان شىرقاپ كەلدى. الداعى ۋاقىتتا، ول دا جەكە ءانشى رەتىندە ءوزىن تانىستىرادى دەسەدى.

مۇقاسان شاحزادايەۆ، ءانشى: «كەيدە توي- دومالاققا باراسىڭ، دوستارىڭمەن بىرگە بولعان كەزدە نۇرلان بولماي قالادى نەمەسە مەن بولماي قالامىن. سول كەزدە «مۇقاش، نۇرلان ءبىر ولەڭ ايتىپ جىبەرشى»، - دەسە، «نۇرلان جوق قوي، مۇقاسان جوق قوي»، - دەپ، وتىرىپ قالاتىن كەزدەر دە بار. سوندىقتان جەكە-جەكە ءان جازىپ قويۋدى شەشتىك».

الىپقاشپا ءسوزدىڭ نەدەن شىققانى ەندى تۇسىنىكتى بولدى. ەڭ باستىسى - توپ تارامايدى. ايتپاقشى، قازىرگى تاڭدا مۇقاساننىڭ قورجىنىندا ءۇش ءان بار. سونىڭ ءبىرىن رينات گايسين جازعان. ول ءان «باقىت» دەپ اتالادى.

توپ مۇشەسى نۇرلان قونىسبايەۆ الماتى وبلىسى، بالقاش اۋدانىنىنىڭ تۋماسى. ال مۇقاسان شاحزادايەۆ تاراز وڭىرىنەن. مۇقاساننىڭ ەسىمى ايگىلى «دوس-مۇقاسان» توبىنىڭ قۇرمەتىنە قويىلعان ەكەن.

Baq.kz