سولتۇستىك قازاقستان وبلىسىندا جاڭا التىن وڭدەۋ زاۋىتىندا 25 كەلى التىن ءوندىرىلدى - فوتو
ايماق باسشىسى جەرگىلىكتى اگروقۇرىلىمدار مەن «اۋليە گولد ماينينگ» التىن ءوندىرۋ كاسىپورنىنا باردى.
بۇل تۋرالى ايماق باسشىسىنىڭ باسپا ءسوز قىزمەتىنەن حابارلايدى.
ەرىك سۇلتانوۆ «اۋليە گولد ماينينگ» كاسىپورنىنا باردى. 2014-جىلدىڭ جەلتوقسان ايىندا مۇندا التىن وندىرۋگە كىرىستى. كومپانيا توگىلمەلى كەن ورىندارىن وڭدەيدى. ءبىزدىڭ ەلىمىزدە وسىنداي جولمەن ءوندىرۋ ءادىسى العاش رەت قولدانىلىپ وتىر. «اۋليە گولد ماينينگ» ج ش س- ءنىڭ ديرەكتورى پاۆەل دجۋلاي ايماق باسشىسىنا ءوندىرىستىڭ ەرەكشەلىكتەرى تۋرالى ايتىپ بەردى»، - دەلىنگەن حابارلامادا.
باعالى مەتال التىن كەسەگىنە اينالعانشا وڭدەۋدىڭ بىرنەشە كەزەڭىنەن وتكىزىلەدى. كاسىپورىن ءبىر ايدىڭ ىشىندە شامامەن 70 مىڭ توننا كەندى قايتا وڭدەيدى.
پاۆەل دجۋلاي بۇگىندە 25 كەلى التىن شىعارىلعانىن بايانداپ وتىر. جىل سوڭىنا دەيىن كومپانيانىڭ 50-60 كەلى باعالى مەتالدى ءوندىرۋ جوسپارى بار.