تاشكەنتتە شاحتادا جارىلىس ورىن الدى، 25 ادام قازا تاپتى
راديوستانسا دەرەكتەرىنە سۇيەنسەك، 13 -شىلدەدە كوچبۋلاك اۋىلىنا جاقىن ورنالاسقان المالىق تاۋ- كەن- مەتاللۋرگيالىق كومبيناتىنا تيەسىلى قاراۋسىز شاحتادا كۇشتى جارىلىس ورىن الدى.
"سالدارىنان 25 ادام قازا تاپتى"، - دەپ حابارلادى وقيعا ورنىنداعى كوزدەرگە سىلتەمە جاساپ "وزودليك".
ب ا ق قاراۋسىز شاحتادا زاڭسىز التىن وندىرمەك بولعان ەكى توپ اراسىندا جانجال ورىن الىپ، جارىلىس سونىڭ سالدارىنان بولعانىن اتاپ وتەدى.
"كوچبۋلاك اۋىلىنىڭ تۇرعىندارى توپپەن التىن ىزدەۋگە كەلگەن. سول كۇنى ەكى توپ اراسىندا جانجال ورىن العان، جەڭىلگەن جاق شاحتانى ۇستاپ تۇرعان باعاندى ورتەپ جىبەرگەن. ىشتە قالعاندارعا تاۋ قۇلاپ، ولار ۋلى تۇتىنگە ۋلانعان"، - دەپ كەلتىرەدى "وزودليك" جەرگىلىكتى تۇرعىنداردىڭ ءبىرىنىڭ ءسوزىن كەلتىرىپ.
رەسپۋبليكانىڭ رەسمي بيلىك وكىلدەرى بولعان جاعدايعا قاتىستى ازىرگە ەش تۇسىنىك بەرمەي وتىر.
