قازاقستاندا تۇتقىنعا الۋ سانى 25 پايىزعا ازايدى - باس پروكۋراتۋرا
بۇل تۋرالى بۇگىن ەلدىڭ جوعارعى قاداعالاۋ ورگانى القاسىنىڭ كەڭەيتىلگەن وتىرىسىندا سويلەگەن سوزىندە باس پروكۋرور اسحات داۋىلبايەۆ حابارلادى.
«قاداعالاۋ قىزمەتىنىڭ باستى باسىمدىقتارىنىڭ ءبىرى قىلمىستىق وندىرىسكە تارتىلعان ازاماتتاردىڭ كونستيتۋتسيالىق قۇقىقتارىن قورعاۋ بولىپ قالا بەرەدى. قابىلدانعان شارالار ارقىلى ءبىز قىلمىستىق جاۋاپكەرشىلىككە نەگىزسىز تارتىلعان تۇلعالاردىڭ سانىن 21 پايىزعا قىسقارتتىق. تۇتقىنداۋ جيىرما بەس پايىزعا ازايدى. كەپىل قولدانۋ تاجىريبەسى ارتتى. ءبىرىنشى جارتىجىلدىقتا بۇل كورسەتكىش 4 ەسەگە ءوستى. تۇتقىنداۋ شاراسى باسقا بۇلتارتپاۋ شاراسى مۇمكىن ەمەس بولعان جاعدايلاردا عانا قولدانىلادى»، - دەدى باس پروۋرور.
ونىڭ دەرەكتەرىنە سۇيەنسەك، پروكۋرورلار 989 ازاماتتىڭ كونستيتۋتسيالىق قۇقىعىن قورعاعان، ولارعا قاتىستى زاڭسىز جەدەل ىزدەستىرۋ شارالارى، جاريا ەتىلمەيتىن تەرگەۋ ارەكەتتەرى تىيىلدى نەمەسە ولاردى جۇرگىزۋگە سانكتسيادان باس تارتىلدى.
