ي ش ي ر سودىرلارى پالميرادا 25 ادامدى اتىپ تاستادى
ينتەرنەت ارقىلى تاراتىلعان كىسى ءولتىرۋ بەينەجازباسىندا قانىشەرلەردىڭ اراسىندا 13-14 جاسار جاسوسپىرىمدەر بولعانى تىركەلگەن.
بۇل تۋرالى سەنبى كۇنى، 4 -شىلدەدە BBC حابارلادى.
«يسلام مەملەكەتىنىڭ» جيھادشىلارى ينتەرنەتكە بەينەجازبا ورنالاستىردى، وندا سودىرلار ەجەلگى پالميرا قالاسىنىڭ ۇيىندىلەرىندە 25 ادامدى قالاي اتىپ جاتقانى كورسەتىلگەن، سودىرلار وسى اپتادا قالاداعى مۇسىندەردى قيراتقان بولاتىن.
بەينەجازبا كادرلارىندا كەيبىر قانىشەرلەردىڭ 13-14 جاستار شاماسىندا ەكەندىگى كورىنەدى.
جازبا «يسلام مەملەكەتىمەن» بايلانىستى ەمەس اككاۋنتتا العاش رەت پايدا بولدى.
بەينەروليكتە سونداي- اق كىسى ءولتىرۋدى قاراپ تۇرعان بىرنەشە جۇزدەگەن ازاماتتىق كيىم كينگەن ادامدار بار، ولاردىڭ اراسىندا كىشكەنتاي بالا دا ءجۇر. مامىر ايىندا جيھادشىلار ەجەلگى قالانىڭ ۇيىندىلەرىن باسىپ العاننان كەيىن پالميرادا 20 ادامدى اتىپ تاستاعان بولاتىن.
وسى اپتادا سيريانىڭ سولتۇستىگىندە يسلامشىلار جاساقتارى الەپپو قالاسىن ۇكىمەتتىك كۇشتەردەن تۇپكىلىكتى الۋ ءۇشىن ورشىلەنە شابۋىلدى باستادى.
سيرياداعى ازامات سوعىسىنىڭ ءتورت جىلىندا 230 مىڭ ادام قازاعا ۇشىرادى.
