كىشى مەيۆەزەر پاكياومەن جەكپە-جەككە 25 مىڭ دوللار تۇراتىن ءتىس قورعانىسمەن شىعادى

استانا. قازاقپارات - امەريكالىق بوكسشى كىشى فلويد مەيۆەزەر فيليپپين سپورتشىسى مەنني پاكياومەن جەكپە-جەككە 25 مىڭ دوللار تۇراتىن كاپامەن شىعادى، - دەپ حابارلايدى Eurosport.

قورعانىس كاپاسى گاۋھار تاس، التىن جانە ءجۇز دوللار كۋپيۋرالارىنىڭ قيىندىلارىمەن قوسىلىپ جاسالادى. ارنايى وسى ماقساتتا ءتىس دارىگەرى مەيۆەزەر دايىندىق جۇرگىزىپ جاتقان لاس-ۆەگاس قالاسىنا بىرنەشە رەت ۇشىپ بارعان.

ايتا كەتەيىك، مەنني پاكياومەن جەكپە-جەككە دايىندىق جۇرگىزىپ جاتقان امەريكالىق بوكسشى قاراجاتىن اياپ جاتقان جوق. ماسەلەن كىشى فلويد مەيۆەزەر جەكە اسپازىنىڭ ءار دايىنداعان تاماعىنا مىڭ دوللاردان تولەپ ءجۇر.

ەسكە سالايىق، جارتىلاي ورتا سالماقتا WBA، WBC جانە WBO تيتۋلدارىنا تالاس جەكپە-جەك 2- مامىردا لاس-ۆەگاستا وتەدى. ساراپشىلاردىڭ بولجامى بويىنشا، بۇل كەزدەسۋ بوكس تاريحىندا ەڭ كوپ قارجى جينايتىن جۇدىرىقتاسۋ بولماقشى. ال مەيۆەزەر بۇل جەكپە-جەككە شىققانى ءۇشىن 120 ميلليون دوللار الادى.