قىتايدا بۇقارالىق اقپارات قۇرالدارىنىڭ 25 وكىلى تۇتقىندالدى
«شينحۋا» اگەنتتىگىنىڭ حابارلاۋىنشا، شاڭحاي پروكۋراتۋراسىنىڭ قىزمەتكەرلەرى 21cbh.com جاڭالىقتار سايتىنىڭ پرەزيدەنتى ليۋ دۋندى، اتالعان رەسۋرستىڭ باس رەداكتورىنىڭ ورىنباسارى چجوۋ بيندى، سونىمەن بىرگە، حۋنان پروۆينتسياسىنداعى تىلشىلەر پۋنكتىنىڭ باسشىسى سيا سياوبونى قاماۋعا الدى. سونىمەن بىرگە، «Money Week» باسپاگەرى سيا جي مەن ونىڭ باس رەداكتورى لو گۋانحۋەيدى تۇتقىندادى.
وسى ءىس بويىنشا قاماۋعا الىنعان ب ا ق وكىلدەرىنىڭ سانى 25 ادامعا جەتتى.
ەسكە سالا كەتەيىك، قىركۇيەك ايىندا شاڭحايدا «21st Century Business Herald» گازەتىنىڭ باسپاگەرى شەن حاو مەن باس ديرەكتورى چەن دۋنيان قاماۋعا الىنعان بولاتىن. ايىپتالۋشىلار 200 دەن استام كومپانياعا ولار جايلى جاعىمسىز ماتەريالدار جاريالايتىنىن ايتىپ، اقشا بوپسالاعان. وسى وقيعادان كەيىن بارىپ باسىلىمىنىڭ رەداكتورلارى مەن تىلشىلەرى قاماۋعا الىندى. 21cbh.com - نىڭ ورتالىق كەڭسەسى گۋاڭدۇڭ پروۆينتسياسىندا ورنالاسقان. مەديا- رەسۋرس قارجىلاي جانە ىسكەرلىك مەديا- يندۋستريا سالاسىندا ءىرى كاسىبي» اقپارات قۇرالى رەتىندە سانالادى جانە ول «21st Century Media Co. Ltd.» حولدينگىنىڭ قۇرامىنا ەنەدى.
