جاسوسپىرىمدەر اراسىنداعى وليمپيادا چەمپيونى ا. ءجۇسىپوۆ پەن ونىڭ باپكەرىنە 25 مىڭ دوللاردان تابىستالدى
«وليمپيادا ويىندارىندا جەڭىسكە جەتكەن سپورتشىلارعا 25 مىڭ ا ق ش دوللارى كولەمىندە سىياقى بەرىلەدى»، - دەدى قاراعاندى وبلىستىق بوكس فەدەراتسياسىنىڭ (ق و ب ف) اتقارۋشى ديرەكتورى روستيسلاۆ كوستين.
ماراپاتتاۋ ءراسىمى س. ساپيەۆ اتىنداعى بوكس ورتالىعىنداعى ق و ب ف باپكەرلەر كەڭەسىنىڭ وتىرىسىندا ءوتتى.
«ابىلايحان ءجۇسىپوۆ بيىل ءبىراز سىندا جەڭىسكە جەتتى. قاڭتار ايىندا تايلاندتاعى ازيا چەمپيوناتىندا ۇزدىك ناتيجە كورسەتتى. گەرمانياداعى ءىرى حالىقارالىق تۋرنيردە، بولگارياداعى الەم چەمپيوناتىندا جەڭىسكە جەتتى. قىتايداعى جاسوسپىرىمدەر اراسىنداعى Ⅱ جازعى وليمپيادا ويىندارىندا التىننان القا تاقتى»، - دەپ اتاپ ءوتتى ق ر بوكس بويىنشا جاسوسپىرىمدەر قۇراماسىنىڭ باس باپكەرى عالىمبەك كەنجەبايەۆ.
چەمپيون مەن ونىڭ جەكە باپكەرى ب. امانبايەۆ قولداۋ كورسەتىپ، جەتىستىكتەرىن باعالاعانى ءۇشىن العىستارىن ءبىلدىردى.
17 جاستاعى ا. ءجۇسىپوۆ - اباي بوكس مەكتەبىنىڭ تالىمگەرى. بوكس بويىنشا حالىقارالىق دارەجەدەگى سپورت شەبەرى. 2013 - جىلى ق ر جاسوسپىرىمدەرى اراسىندا چەمپيون اتاندى. 2011-2013 - جىلدارداعى رەسپۋبليكالىق جانە حالىقارالىق تۋرنيرلەردىڭ جەڭىمپازى. بيىل ازيا چەمپيوناتىندا ۇزدىك اتاندى.
بيىل ول ستۋدەنت اتاندى. «قاز تۇتىنۋ وداعى قاراعاندى ەكونوميكالىق ۋنيۆەرسيتەتىندە «مەملەكەتتىك جانە جەرگىلىكتى باسقارۋ» ماماندىعى بويىنشا ءبىرىنشى كۋرستا وقۋدا.
ەسكە سالا كەتەيىك، نانكيندەگى (قىتاي) جاسوسپىرىمدەر اراسىنداعى Ⅱ جازعى وليمپيادا ويىندارىندا قازاقستاندىق سپورتشىلار ءۇش التىن، ءبىر كۇمىس جانە ءتورت قولا مەدالعا يە بولدى.
