ايەلدى نازىكتىكتەن ايىراتىن 25 ءىس-اركەت

ال بۇل جىگىتتەردىڭ نازارىن وزىنە قاراتۋعا كەدەرگى كەلتىرىپ، جەكە ءومىرىن قالىپتاستىرۋدا ساتسىزدىككە اكەلەدى.

ابىگەرلىك. قىزداردىڭ كوبى «كوتەرە الماس شوقپاردى بەلىنە بايلاپ»، ابىگەرگە تۇسەدى. ابىگەرلىك پەن قاناعاتتانۋ - ۇيلەسپەيتىن دۇنيەلەر.

شامادان تىس الەۋمەتتىك بەلسەندىلىك. نەگىزىندە ول ماحابباتتىڭ جەتىسپەۋشىلىگىنىڭ ورنىن وسىلاي تولتىرعىسى كەلەدى، ءبىراق بۇل جۇمىس ىستەمەيدى. ول سىرتقى جۇمىستارىن وتباسىلىق مىندەتتەردەن تىس ۋاقىتتا جانە جانى قالاعان سوڭ جاساۋى ءتيىس.

سىرتقارى بايلانىستىڭ تىم ارتىقتىعى. ايەل ادام ءاردايىم ءوزىن جايلى سەزىنەتىن ورتادا ءجۇرۋى كەرەك. ەرلەر ءوز قارسىلاستارىمەن بىرگە ءومىر سۇرە الادى، ويتكەنى ولار قيىندىقتاردى جەڭۋ ارقىلى شابىت الادى. ال ايەل وزىنە جايسىز ورتادا جۇرمەۋى ءتيىس.

تاعى ءبىر قاتەلىك: وزىنە ۇنامايتىن ىسپەن اينالىسۋ.

جۇمىس. نەگە؟ ايەل ادام وندا قيىندىقتاردى جەڭۋى ءتيىس، ادەتتە ول ەرلەردىڭ جۇمىسىن ىستەيدى. ول ايەل ىسىمەن اينالىسسا دا، كوپ ۋاقىتىن جۇمىسىنا بولەدى، دەمەك ءۇي تىرلىگىنەن الىستاپ قالادى. ەگەر بۇل ايەلگە ۇناماسا، ەگەر ول تاڭەرتەڭ ارەڭ تۇرىپ، جۇمىسىنا بارسا، دەمەك بۇل ايەل اتقاراتىن جۇمىس ەمەس.

شالبار. بۇل ەرلەر كيىمى. سونىمەن قاتار ايەلدىڭ شەكتەۋلى، جۇتاڭ، سولعىن نەمەسە وزىنە ۇنامايتىن گاردەروبى. مۇندا تاعى ايەل ءوز كيىمدەرىن ساقتايتىن ارنايى شكافىنىڭ بولماۋى دا كىرەدى. شكاف ايەل ءۇشىن ءبىر الەم.

ايەلگە ءتان ەمەس شاش ۇلگىسى. بۇل قىسقا نەمەسە ۇزىن دەگەندى بىلدىرمەيدى، الايدا ۇزىن بولعانى جاقسى. ول جيناقى، كۇتىمدى بولۋى قاجەت. قىسقا شاش قۇنتتى بولعانىمەن، قۇنتتىلىق - بۇل ەرلەرگە ءتان قاسيەت.

اشەكەيلەردىڭ بولماۋى. اكسەسسۋارلاردى تاعا بىلمەۋ. ەرلەردىڭ مىندەتى - اشەكەي سىيلاۋ، بۇل گاۋھار بولا ما، الدە بيجۋتەريا بولا ما، ماڭىزدى ەمەس.

دەنەسىن كۇتپەۋ. كوسمەتيكالىق پروتسەدۋرالار جاساماۋمەن قاتار، فيزيكالىق جاتتىعۋلاردى ەلەمەۋ دە ايەلدى بيازىلىقتان ايىرادى.

تۇيىقتىق. بايلانىستان قاشۋ. ايەل ادام ەموتسياسىن كورسەتۋدەن جاسقانادى. قىزداردىڭ كەيبىرى تەك جاقسى ەموتسيا كورسەتۋى كەرەك دەگەن پىكىردە، الايدا بۇل دۇرىس ەمەس. ونىڭ جانىندا ول كەز كەلگەن ەموتسياسىن قىمسىنباي بىلدىرە الاتىن ادام بولۋى كەرەك.

سۇيىكتى ءىسىڭنىڭ بولماۋى. بۇل اقشا اكەلمەسە دە، رۋحاني ءلاززات سىيلايتىن جانىڭا جاقىن ءىس. ال ەر ادام مۇنى قولداۋى ءتيىس. ەگەر ايەل ادام تىگۋدى ۇناتسا، وعان تىگىن ماشيناسىن ساتىپ الىپ بەرۋى كەرەك. ەگەر بۇل كاراوكە نەمەسە بي بولسا، ونى سوندا اپارۋى كەرەك. ال ايەل ادام مۇنىڭ قالىپتى ەكەنىن ءتۇسىنىپ، ۋاقىتىن ءبولۋى قاجەت.

شىعارماشىلىقتىڭ بولماۋى. حوببيگە ۇقساس بولعانىمەن، بۇل بولەك زاتتار. گۇل وتىرعىزۋ، گۇلزار، جيھاز: ايەل ادام شىعارماشىل بولۋى كەرەك. ول وسى شىعارماشىلىعىن كورسەتە الاتىن كىشكەنتاي الەمى بولۋى قاجەت. ەر ادامنىڭ دا ۇيدە ايەل ىستەي المايتىن جۇمىستارى بولادى. دەمالىس كەزىندە ءبىر اپتادا جينالعان جۇمىستاردى ىستەيدى. ەگەر دەمالىستا جاتا بەرسە - ول دەگراداتسياعا ۇشىرايدى.

باسقارۋعا تالپىنۋ. ايەل ادامداردان جاقسى باسشى شىعادى، دەگەنمەن بۇل ىسكە باس سۇعۋدىڭ قاجەتى جوق، بۇل ونىڭ تابيعاتىنا جات. ايەل ادام شابىت بەرۋى قاجەت. سىرتقى ىستەردى تەك ەر ادام شەشەدى. مىسالى، ايەل ادام نەسيە الۋدى ءجون كورەدى دە، كەيىن ونى قالاي تولەيمىن دەپ باس قاتىرادى. مۇنداي سۇراقتاردى تەك ەر ادام شەشەدى، ال ايەل ادام بۇل تۋرالى بىلمەۋى كەرەك.

داۋ-جانجال. ايەل ادام داۋ-جانجالعا ارالاسپاۋى كەرەك، ونىمەن قارىم-قاتىناس جايلى بولۋى ءتيىس. اسىرەسە بۇل ەرلەرمەن قارىم-قاتىناستا ماڭىزدى، ەگەر ول ەرلەرمەن ءجيى داۋلاسسا، ول دورەكى بولا باستايدى.

ەرلەر مىندەتى. جيھازداردى جىلجىتۋ، ونەركاسىپتى باسقارۋ، روتا باسقارۋ، وتباسىن اسىراۋ ءۇشىن جۇمىس ىستەۋ، نەسيە تولەۋ.. . مۇنىڭ ءبارى ەر ادامنىڭ ءىسى.

باسەكەلەستىك. ايەل تابيعاتى باسەكەلەستىك كەزىندە بۇزىلادى. ايەل ادامعا بىرەۋدەن ارتىق ەكەنىن دالەلدەۋدىڭ قاجەتى جوق. جانە بۇعان ەگويزمنىڭ قاتىسى جوق.

تاۋەلسىزدىك. ءوز كۇنىن ءوزى كورۋ، كۇش-جىگەر، قاتاڭ باقىلاۋ، تاباندىلىق تانىتا كۇرەسۋ.

تاكاپپارلىق. «ءوزىم» دەپ تۇراتىن ايەلدەر. نەمەسە كەز كەلگەن جاعدايدا: «مەن بۇدان دا جاقسىراق، ساپالىراق، تەزىرەك ىستەي الامىن» دەپ ويلايدى. كەيدە تاكاپپارلىق: «نە ءۇشىن قورلانىپ، بىردەڭە سۇراۋىم كەرەك؟» دەگەن سوزىنەن بىلىنەدى.

ناتيجەگە قۇشتارلىق. ايەل ادامنىڭ: «ەگەر وسى بولماسا - كوڭىلىم تولمايدى» دەۋى. اقىلدى ايەل بارىمەن - بازار بولادى. ايەل ادام ءوز اقشاسىن وزىنە جاراتقاننان ءلاززات المايدى. ول ەر ادام جاساعان سىيلىقتاردان ءلاززات الادى.

اشۋ، ناقتىراق ايتقاندا - دۇرىس كورسەتىلمەگەن اشۋ. اشۋ - بۇل رەنىش، ايىپتاۋشىلىق، بالاعاتتاۋ.

مەحانيكالىق ءومىر. ايەل ادام ىستەرىن ماحابباتپەن ىستەۋى قاجەت.

شاعىمدانۋ. ايەل ادام شاعىمدانبايدى، ول جاي عانا ءوتىنىش ءبىلدىرۋى كەرەك. ال ول شاعىمدانعاندا، بىرەۋ كىنالى بولادى. ءوتىنىش پەن شاعىمنىڭ ايىرماشىلىعى كوڭىل-كۇيگە بايلانىستى.

ەرلەردىڭ سپورت پەن دەمالىس تۇرلەرى. بالىق اۋلاۋ، باسكەتبول مەن فۋتبول ايەل ادامعا جاراسپايدى.

قۇربىلارىنىڭ بولماۋى. ايەل ادامعا سىرلى اڭگىمەلەردى ايتۋ ءۇشىن ايەل ادام كەرەك.

جەكە ۋاقىتىنىڭ بولماۋى. جاي عانا ەرىگۋگە دە ۋاقىت تاپپاۋ. سونىمەن قاتار ايەل ادامعا بەكەر ۋاقىت وتكىزۋ مەن اقشا شاشىپ تۇرۋ دا ارتىق ەتپەيدى.

تولىققاندى ۇيىقتاماۋ. ايەل ادام ۇيقىسى قانعانشا ۇيىقتاپ، ءوزىن سەرگەك سەزىنۋى مىندەتتى.

وسى سوزدەردى وقىپ وتىرعان ءاربىر حانشايىم تاعى دا قايتالانباس ەلىتەر بيازىلىققا يە بولسىن، الايدا، قازىردىڭ وزىندە ءارقايسىڭىز مۋزا بولۋعا لايىق جان ەكەندەرىڭىزگە سەنىمدىمىز!

دايىنداعان: انار مۇستافينا

massaget.kz