قىتايلىق لي 256 جىل ءومىر سۇرگەن
ول 1677 - جىلى تۋىپ، 1933 - جىلى و دۇنيەگە اتتانعان.
لي قىتايدىڭ تسيتسزيانسيان ايماعىنداعى سىچۋان پروۆينتسياسىندا دۇنيەگە كەلگەن. ءومىرىنىڭ كوپ بولىگىن تاۋدا وتكىزگەن. ەمدىك شوپتەر جيناپ، ءارتۇرلى تۇنبالار جاساعان. اڭىزعا سۇيەنسەك - ۇزاق ءومىردىڭ قۇپياسىن ىزدەگەن.
1748 - جىلى، 71 جاسىندا اسكەر قاتارىنا قوسىلۋ ءۇشىن كايسيان ايماعىنا كوشكەن. ول جەردە جاۋىنگەرلىك مەكتەپتىڭ ۇستازى ءارى ايقاس ونەرىنىڭ شەبەرى رەتىندە قىزمەت اتقارعان. كەيىن اسكەري ءۋازىر اتانىپ، قىزمەت قىلعان.
1927 - جىلى لي سىچۋان ايماعىنىڭ گەنەرالى يان سەنيۋدىڭ شاقىرتۋى بويىنشا ۆانسيانعا كەلەدى. اتى شۋلى گەنەرال ليدىڭ قۋاتى مەن سىرتقى كەلبەتىنە قاتتى تاڭقالعان دەسەدى. سول جىلى، ليدىڭ اتاقتى فوتوسۋرەتى جاسالادى.
بۇل كەزدەسۋدەن كەيىن لي تۋعان ولكەسىنە جول تارتادى. ال ءومىرىنىڭ اياقتالۋىنا ساناۋلى كۇندەر قالعاندا، بىلاي دەپ كەتكەن: «مەن وسى ومىرىمدەگى جاساۋىم كەرەك جۇمىستاردى اياقتادىم، ەندى ۇيىمە قايتامىن...»
ەگەر اڭىزعا سۇيەنسەك، «ۇزاق ءومىردىڭ قۇپياسى نەدە؟» دەگەن سۇراققا بىلاي دەگەن:
تىنىش جۇرەك...
تاسباقاداي قالىپ.
كوگەرشىندەي - سەرگەكتىك،
ءيتتىڭ - ۇيقىسى - دەپتى.
ادام بالاسىنىڭ 256 جىل ءومىر سۇرۋىنە بولادى دەگەنگە سەنۋ قيىن، ارينە. بۇل ادامنىڭ ءومىرىن كەي عالىمدار شىندىق دەسە، كەي عالىمدار، تاريحي دەرەكتەردىڭ بۇرمالانۋىنان پايدا بولعان اڭىز دەسەدى. ءبىراق، ول تاۋداعى ومىرىندە نەمەن اينالىسقان؟ مۇمكىن، راسىندا دا، «ۇزاق ءومىردىڭ قۇپياسىن» اشقان بولار؟ ارينە، بۇل بەيمالىم كۇيىندە قالىپ قويدى... وتە وكىنىشتى...
blogtime
