ەكى اي ىشىندە اقمولا وبلىسىنىڭ جولدارىندا 253 ماس جۇرگىزۋشى ۇستالدى
باسپا ءسوز قىزمەتىنىڭ حابارلاۋىنشا، ماس جۇرگىزۋشىلەردىڭ ءبىرىن 18-اقپان كۇنى ۇستادى.
ساعات 03:10 شاماسىندا كوكشەتاۋ قالاسىنىڭ ورتالىق كوشەسىندە پاترۋلدىك پوليتسيا قىزمەتكەرلەرى «اۋدي 100» اۆتوكولىگىن توقتاتتى، ونىڭ جۇرگىزۋشىسى ماس كۇيىندە رۋلگە وتىرعانى انىقتالدى.
«بەلگىلى بولعانداي، 25 جاستاعى جۇرگىزۋشىنىڭ دوسىمەن بىرگە تاراز قالاسىنان اقمولا وبلىسىنا قىزمەتتىك ىسساپارمەن كەلگەن. كولىكتى توقتاتقان كەزدە، جۇرگىزۋشىمەن بىرگە سالوندا دوسى دا بولعان. ولار كوكشەتاۋداعى ويىن- ساۋىق ورىندارىنىڭ بىرىندە بولعان، الكوگول ىشىمدىك ءىشىپ، كەيىن رۋلگە وتىرعان»، - دەدى ۆەدومستۆودان.
قازىرگە كەزدە، كولىك جۇرگىزۋشىسىنە قاتىستى اكىمشىلىك قۇقىقبۇزۋشىلىق تۋرالى كودەكستىڭ 68-بابى 1-بولىگى بويىنشا اكىمشىلىك حاتتاما تولتىرىلدى. اتالمىش سانكسياعا بايلانىستى ەر ادام 15 تاۋلىك مەرزىمگە اكىمشىلىك قاماۋعا الىنىپ، 7 جىلعا جۇرگىزۋشى كۋالىگىنەن ايىرىلادى.
