تۇركياداعى ءزىلزالادان كەيىن الماتىدا 250 گەكتاراۋماقتاعى قۇرىلىس توقتاتىلدى

استانا. قازاقپارات - الماتىداعى «مەدەۋ» تابيعي ساياباعى اۋماعىندا 45 گەكتار جەر زاڭسىز بەرىلگەن. بۇل تۋرالى باس پروكۋرور بەرىك اسىلوۆ ءماجىلىس دەپۋتاتتارىنىڭ ساۋالىنا جولداعان جاۋابىندا ءمالىم ەتتى، دەپ حابارلايدى قازاقپارات ءتىلشىسى.

«تۇركياداعى وقيعالاردىڭ بەدەرىندە الماتى قالاسى پروكۋرورىنىڭ قارسىلىعى بويىنشا تاۋلى اۋماقتا ورنالاسقان 120 تەلىمدەگى (250 گەكتار) زاڭسىز قۇرىلىستىڭ الدى الىندى»، - دەلىنگەن جاۋاپتا.

باس پروكۋروردىڭ انىقتاما رەتىندە بەرگەن مالىمەتى بويىنشا، قارعالى شاعىناۋدانىنداعى جالپى اۋدانى 136 گەكتار بولاتىن 103 جەر ۋچاسكەسىندە، بۋتاكوۆكا اۋدانىنداعى جالپى اۋدانى 44 گەكتار بولاتىن 11 ۋچاسكەدە، وبسەرۆاتوريا كوشەسىندەگى اۋماعى 4 گەكتار بولاتىن 6 ۋچاسكەدە قۇرىلىس توقتاتىلعان.

«سونداي- اق «مەدەۋ» تابيعي ساياباعىنىڭ اۋماعىنان ءۇشىنشى تۇلعالارعا 45 گەكتار بولاتىن جەر تەلىمدەرىن زاڭسىز شىعارىپ بەرۋ فاكتىلەرى اشكەرەلەندى. بۇل زاڭسىزدىقتار بويىنشا الماتى قالاسى پروكۋراتۋراسى جەر پايدالانۋعا بەرىلگەن قۇجاتتاردىڭ كۇشىن جويۋ تۋرالى 10 تالاپ- ارىز ەنگىزدى»، - دەپ جازادى بەرىك اسىلوۆ.