قاشاعاننان 250 مىڭ توننا كۇكىرت ەكسپورتتالدى
«2017-جىلدىڭ قازانىندا تەمىرجول كولىگى ارقىلى قاشاعان كۇكىرتىن ەكسپورتتاۋدى باستادىق. تۇيىرشىكتەلگەن كۇكىرت ءوندىرىسى قارقىنمەن ءوستى. جىل سوڭىندا كۇكىرت ەكسپورتى 100 مىڭ توننانى قۇرادى. ءوندىرىس باستالعالى بەرى ءبىر جارىم ميلليون توننا كۇكىرت الىندى. قازىرگى تاڭدا 250 مىڭ توننا كۇكىرت ەكسپورتتالدى»، - دەپ حابارلادى North Caspian Operating Company N.V. (NCOC) كونسورتسيۋمىنىڭ باسقارۋشى ديرەكتورى برۋنو جاردەن «قازاقپارات» تىلشىسىنە بەرگەن ەكسكليۋزيۆتى سۇحباتىندا.
ب. جاردەن ءتۇسىندىرىپ وتكەندەي، قۇبىر جەلىسى بويىنشا الىنعان سۇيىق تۇردەگى كۇكىرت ەكى باعىت بويىنشا - كۇكىرت بلوكتارى مەن كۇكىرت تۇيىرشىكتەۋ زاۋىتتارىنا بەرىلەدى.
«دايىن تۇيىرشىكتەلگەن كۇكىرت كونۆەيەر لەنتاسىنا تۇسەدى جانە تەمىرجول ۆاگوندارىنا تىكەلەي ارتىلادى. قۇرام قاراباتان ستانتسياسىنا دەيىن جەتكىزىلىپ، NCOC كومپانياسى ول جەردەن ونى كومپانيا اكتسيونەرلەرىنىڭ بىرىنە تاپسىرادى. ولاردىڭ ءارقايسىسى سولتۇستىك كاسپيي جوباسىنىڭ كۇكىرت جانە باسقا دا ونىمدەرىن وتكىزۋگە جاۋاپ بەرەدى. قازىر ونىمدەردىڭ باسىم بولىگى قىتاي مەن جەرورتا تەڭىزىنىڭ باتىسىنداعى ەلدەرگە ەكسپورتتالادى. ولار كۇكىرتتى اۋىلشارۋاشىلىق تىڭايتقىشتارىن وندىرەتىن شيكىزات رەتىندە قولدانۋدا»، - دەپ ءتۇسىندىردى ب. جاردەن.
