قازۇۋ الەمنىڭ ۇزدىك 250 ۋنيۆەرسيتەتىنىڭ قاتارىنا ەندى
دەپ حابارلايدى ج و و- نىڭ باسپا ءسوز قىزمەتى.
بيىل بۇل توپقا ت م د ەلدەرىنىڭ ءتورت ۋنيۆەرسيتەتى كىردى - م. لومونوسوۆ اتىنداعى م م ۋ، نوۆوسيبيرسك پەن سانكت- پەتەربۋرگ مەملەكەتتىك ۋنيۆەرسيتەتتەرى جانە قازۇۋ. قازاقستاندىق جەتەكشى وقۋ ورنى ورتالىق ازيا مەن ت م د ەلدەرىندە ءوزىنىڭ كوشباسشىلىعىن دالەلدەپ، الەمدىك دەڭگەيدەگى باسەكەگە قابىلەتتىلىگى جوعارى ەكەندىگىن كورسەتتى. QS رەيتينگىسىن جۇرگىزۋ بارىسىندا اكادەميالىق بەدەل، عىلىمي جاريالانىم، وقىتۋشىلار مەن ءبىلىم الۋشىلاردىڭ ارا سالماعى، جۇمىس بەرۋشىلەر اراسىنداعى بەدەل، شەتەلدىك وقىتۋشىلارى مەن ستۋدەنتتەرىنىڭ ۇلەسى ءتارىزدى كورسەتكىشتەر ەسەپكە الىندى.
«ۋنيۆەرسيتەتتىڭ حالىقارالىق رەيتينگتە تابىستى تۇردە العا جىلجۋىنا زاماناۋي تالاپتارعا ساي جۇزەگە اسىرىلعان كەشەندى قۇرىلىمدىق جەتىلدىرۋ ىقپال ەتتى. QS ساراپشىلارىنىڭ كەڭەسىمەن الەمنىڭ جەتەكشى ۋنيۆەرسيتەتتەرى قازۇۋ- دىڭ ىلگەرى جىلجۋ تاجىريبەسىن زەرتتەۋدە. ۋنيۆەرسيتەت ءبىلىم مەن عىلىمنىڭ، يننوۆاتسيانىڭ جەتەكشى ورتالىعى رەتىندە الەمنىڭ 200 ۇزدىك ۋنيۆەرسيتەتىنىڭ قاتارىنا كىرۋدى كوزدەيدى»، - دەلىنگەن حابارلامادا.
