ەلوردا تۇرعىنى ءوزىن قاپقان ءيت يەسىنەن 250 مىڭ تەڭگە ءوندىرىپ الدى
استانا. قازاقپارات - 2016 - جىلدىڭ ءساۋىر ايىندا ەلورداداعى اۋلالاردىڭ بىرىندە جۇرگەن ايەلدى فرانسۋز بۋلدوگى باس سالدى. ءيتتىڭ تىستەۋىنىڭ سالدارىنان ايەل سول جاق جامباسىنان جاراقات الدى،
دەپ حابارلايدى قازاقپارات استانا قالالىق سوتىنىڭ باسپا ءسوز قىزمەتىنە سىلتەمە جاساپ.
وسىعان دەيىن ەلوردانىڭ ارنايى اۋدانارالىق سوتىنىڭ قاۋلىسىمەن ءيتتىڭ يەسىنە اكىمشىلىك قۇقىق بۇزۋشىلىق كودەكسىنىڭ 408 - بابىنىڭ 2 - بولىمىنە سايكەس، زاڭبۇزۋشىلىققا جول بەردى دەگەن ايىپ تاعىلعان بولاتىن.
اتالعان ءىستىڭ ماتەريالدارىن ساراپتاپ شىققان استانا قالاسىنىڭ سارى ارقا اۋداندىق سوتى تالاپ- ارىزدى ءىشىنارا قاناعاتتاندىرىپ، يت يەسىنەن ماتەريالدىق شىعىن كەلتىرگەنى ءۇشىن 32 مىڭ 850 مىڭ تەڭگە، ال، مورالدىق شىعىن كەلتىرگەنى ءۇشىن 250 مىڭ تەڭگە كولەمىندە وتەماقى ءوندىردى.
سوت شەشىمى كۇشىنە ەندى.
اۆتور: ايدار وسپاناليەۆ
