تايفۋن سالدارىنان قىتايلىق حاينان پروۆينسياسىندا 250 اۋە رەيسى توقتاتىلدى

استانا. قازاقپارات - قىتايلىق حاينان پروۆينسياسىندا «ساريكا» تايفۋنى سالدارىنان جەرگىلىكتى حايكوۋ قالاسىنىڭ «مەيلان» اۋەجايىنان شامامەن 250 رەيس ۇشىرىلمايتىن بولدى.

اۋە ايلاعى دۇيسەنبى كۇنى جەرگىلىكتى ۋاقىتپەن 23.30 شاماسىندا (ماسكەۋ ۋاقىتى بويىنشا 18.30) جۇمىسىن توقتاتتى.

سونىمەن قاتار حاينان ارالى ماڭىندا ۇشاقتاردىڭ ۇشۋى توقتاتىلدى. ۇشاقتارمەن ۇشۋ جەرگىلىكتى ۋاقىتپەن ساعات 16.30 (ماسكەۋ ۋاقىتى بويىنشا 11.30) كەيىن قالىپقا كەلتىرىلەدى، دەپ حابارلادى ر ي ا نوۆوستي.

«ساريكا» تايفۋنى سيۋنحاي مەن سانيا قالالارىنىڭ اراسىندا بولماق. ونىڭ قۋاتتىلىعى سۋپەرتايفۋندىكىمەن تەڭەسىپ، سوڭعى ون جىلدا ارالدا بولعان ءىرى تابيعي اپاتقا اينالۋى مۇمكىن.