ەلىمىزدە 250 دەن استام ازامات كەلىسىمشارت بويىنشا اسكەري اتاندى
بۇگىنگى كۇنى الماتى وڭىرلىك گارنيزونىنىڭ اسكەري بولىمدەرى جانىندا ساربازدار جانە سەرجانتتار قۇرامىندا كەلىسىمشارت بويىنشا اسكەري قىزمەت وتكەرۋ ءۇشىن 250 دەن اسا ادام جولدانىپ، قابىلداندى.
ق ر قورعانىس مينيسترلىگىنىڭ باسپا ءسوز قىزمەتىنىڭ حابارلاۋىنشا، الماتىنىڭ ج ءا ب و جانىنداعى جۇمىسقا الۋ پۋنكتتەرىنە قازاقستاندىق ارميا قاتارىن تولىقتىرعىسى كەلەتىن ازاماتتار كوپتەپ كەلۋدە. كەلىسىمشارت بويىنشا اسكەري قىزمەتكە ورنالاساتىن ادامداردا ق ر ازاماتتىعى، كۋرسانتتار مەن وزگە دە اسكەري قىزمەتشىلەر ساناتىن ەسەپتەمەگەندە، 19 جاستان كىشى بولماۋى، اسكەري- ەسەپكە الۋ ماماندىعى بولۋى، مەرزىمدى اسكەري قىزمەتتى وتەۋى نەمەسە ايەلدەردى قوسپاعاندا اسكەري- وقىتىلعان رەزەرۆتى دايارلاۋ جونىندەگى ج و و- نىڭ اسكەري كافەدراسىندا ياكي قورعانىس مينيسترلىگىنىڭ مامانداندىرىلعان ۇيىمدارىندا اسكەري دايىندىقتان ءوتۋى ءتيىس.
ق ر ق ك- دەگى قىزمەت اسكەري قىزمەتشى مەن ونىڭ وتباسى مۇشەلەرىنە ارنالعان تەگىن مەديتسينالىق قىزمەت كورسەتۋ، تۇراقتى اقشالاي ۇلەس (ونىڭ ىشىندە، وتباسى مۇشەلەرىنىڭ سانىنا بايلانىستى تۇرعىن ءۇيدى جالعا العانى ءۇشىن تولەنەتىن ۇستەماقى)، مانساپتىق ءوسۋ سياقتى تولىق الەۋمەتتىك قورعاۋدا بولۋ مۇمكىندىگىن بەرەتىنىن ايتا كەتەيىك.
