وليمپيادا چەمپيونىنا 250 مىڭ ا ق ش دوللارى جانە ءۇش بولمەلى پاتەر بەرىلەدى
ەل سەنىمىن ارقالاعان 104 سپورتشىدان جانكۇيەرلەر ۇلكەن ءۇمىت كۇتەدى.
سونداي-اق وسى سپورتشىلار جۇلدەلى ورالعان كەزدە قانشالىقتى سىياقى الادى ەكەن دەگەن سۇراقتىڭ كوپشىلىكتىڭ كوكەيىندە ءجۇر.
بۇل تۋرالى baq.kz حابارلايدى.
«قازاقستان وليمپيادادا ويىندارىندا التىن مەدال العان سپورتشىعا 250 مىڭ دوللار، كۇمىسكە - 150 مىڭ دوللار، قولا مەدال العان سپورتشىعا - 75 مىڭ دوللار سىياقى تاعايىنداپ وتىر. سونىمەن قاتار قازاقستان رەسپۋبليكاسىنىڭ 2014 -جىلعى 3 شىلدەدەگى № 228-V ق ر زاڭىنا سايكەس وليمپيادا چەمپيوندارى مەن جۇلدەگەرلەرىنە جەرگىلىكتى اكىمدىك تاراپىنان پاتەر بەرىلەدى. تيسىنشە، چەمپيونعا ءۇش بولمەلى پاتەر، كۇمىس مەدالعا ەكى بولمەلى، قولا جۇلدە العان سپورتشىعا ءبىر بولمەلى پاتەر بەرىلەدى»، - دەيدى سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى سەرىك جاراسبايەۆ.
اتالعان زاڭنىڭ 47-بابىندا انىق جازىلعان. پاتەرگە تەك وليمپيادا ويىندارىنىڭ جەڭىمپازدارى عانا ەمەس، پاراليمپيادا، سۋردليمپيادا ويىندارىنىڭ چەمپيوندارى مەن جۇلدەگەرلەرى دە قول جەتكىزە الادى.
وليمپيادا، پاراليمپيادا جانە سۋردليمپيادا ويىندارىنىڭ چەمپيوندارى نەمەسە جۇلدەگەرلەرى بولىپ تابىلاتىن قازاقستان رەسپۋبليكاسىنىڭ سپورتشىلارىنا تۇرعىن ءۇي اتالعان ادامدارعا مەنشىك قۇقىعىمەن بەرىلەدى.
ءبىر وليمپيادا، پاراليمپيادا جانە سۋردليمپيادا ويىندارىندا بىرەۋدەن كوپ مەدال جەڭىپ العان ادامدارعا جەرگىلىكتى اتقارۋشى ورگاننان ءبىر رەت تۇرعىن ءۇي الۋ قۇقىعى بەرىلەدى.
وليمپيادا، پاراليمپيادا جانە سۋردليمپيادا ويىندارىنىڭ چەمپيوندارى مەن جۇلدەگەرلەرى ءۇشىن تۇرعىن ءۇيدى جەرگىلىكتى اتقارۋشى ورگاندار سپورتشىنىڭ تۇرعىلىقتى جەرىنە جانە العان ورنىنا قاراي رەسپۋبليكا قالالارىنان الىپ بەرەدى.
وليمپيادا، پاراليمپيادا جانە سۋردليمپيادا ويىندارىنىڭ چەمپيوندارى مەن جۇلدەگەرلەرى ءۇشىن مىناداي شارتتار بەلگىلەنەدى:
وليمپيادا، پاراليمپيادا جانە سۋردليمپيادا ويىندارىندا التىن مەدال جەڭىپ العان چەمپيونعا - ءۇش بولمەلى پاتەر؛
وليمپيادا، پاراليمپيادا جانە سۋردليمپيادا ويىندارىندا كۇمىس مەدال جەڭىپ العان چەمپيونعا - ەكى بولمەلى پاتەر؛
وليمپيادا، پاراليمپيادا جانە سۋردليمپيادا ويىندارىندا قولا مەدال جەڭىپ العان چەمپيونعا - ءبىر بولمەلى پاتەر.
ايتا كەتەيىك، قازاقستان وليمپيادا ويىندارىنىڭ جەڭىمپازدارىنا سىياقى بەرۋ مولشەرىنىڭ كولەمى جاعىنان الەمدە ءۇشىنشى ورىندا تۇر. ءبىزدىڭ ەلدىڭ الدىندا ءازىربايجان مەن تايلاند بار.
ءتورت جىلدىقتىڭ باستى دوداسى ريو- دە- جانەيرودا 5-21 -تامىز ارالىعىندا وتەدى. قازاقستان قۇراماسى وليمپياداعا 17 سپورت تۇرىنەن 104 سپورتشىسىن الىپ باردى.
