تۇركيادا سودىرلارمەن بايلانىسى بار دەگەن كۇدىكپەن 250 ادام تۇتقىندالدى

استانا. قازاقپارات - تۇركيا پوليتسياسى «يسلام مەملەكەتى» ەكسترەميستىك توبىنىڭ جاقتاستارى مەن كۇرد كوتەرىلىسشىلەرىن ۇستاۋ وپەراتسياسى بارىسىندا 250 دەن استام ادام قاماۋعا الىنعانىن ءمالىم ەتتى، دەپ حابارلايدى BBC.

13 پروۆينتسيادا وتكىزىلگەن وپەراتسياعا 10 مىڭعا جۋىق پوليتسيا قىزمەتكەرى جۇمىلدىرىلعان.

اتاپ ايتساق، ىستامبۇلدا «كۇردتەردىڭ جۇمىس پارتياسى» توبى مەن لاڭكەستەردىڭ جاقتاستارى جاسىرىنۋى مۇمكىن دەگەن 100 مەكەنجاي تەكسەرىلىپ، ءتىنتىلدى.

20- شىلدە كۇنى تۇركيانىڭ سيريامەن شەكارالاس سۋرۋچ قالاسىندا جويقىن جارىلىس بولىپ، قاپەلىمدە 32 ادام اجال قۇشقان ەدى. تاعى 100 گە تارتا ادام جاراقات الدى.

تۇركيا بيلىگى جارىلىستى «يسلام مەملەكەتى» ەكسترەميستىك توبىنىڭ مۇشەسى 20 جاستاعى ستۋدەنت ۇيىمداستىرعانىن حابارلاعان بولاتىن.