10:32, 19 - جەلتوقسان 2014 | GMT +5
تايلاندتا كولىگىمەن 250 مەترلىك جارتاستان تەڭىزگە قۇلاعان تۋريست امان قالدى
استانا. قازاقپارات - تايلاندتاعى پحۋكەت ارالىندا تۇندە 250 مەترلىك جارتاستان تەڭىزگە قۇلاعان كولىكتىڭ جۇرگىزۋشىسى اۋرۋحاناعا جەتكىزىلدى. جەرگىلىكتى پوليتسيا زارداپ شەككەن ازاماتتىڭ الدىن الا بولجام بويىنشا رەسەيلىك ەكەندىگىن حابارلادى.
وقيعا پاراپلانشىلاردىڭ اراسىندا سۇيىكتى ورىنعا اينالعان پا دانگ اۋدانىندا ورىن الدى. ۇلكەن جىلدامدىقپەن كەلە جاتقان Honda Jazz كولىگى جارتاستى جاعادان شىعىپ كەتىپ، تەڭىزگە قۇلادى. جاقىن ماڭدا بولعان بالىقشىلار شۇعىل قۇتقارۋشىلاردى شاقىرتقان. ولار ءتىرى قالعان جۇرگىزۋشىنى قابىسىپ قالعان كولىكتەن شىعاردى.
پوليتسيا زارداپ شەگۋشىنىڭ ەسىمى نيكولاي ەكەندىگىن ايتىپ، ونى رەسەيلىك ازامات دەپ پايىمداۋدا. قازىرگى كەزدە ول اۋرۋحانادا ەس-ءتۇسسىز جاتىر.
