سەنات سايلاۋىن 250 حالىقارالىق ساراپشى قاداعالايدى

 استانا. قازاقپارات - سەنات سايلاۋىن 250 حالىقارالىق ساراپشى قاداعالايدى دەپ جوسپارلانۋدا. بۇل تۋرالى بۇگىن و ك ق بريفينگىسىندە ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆ ءمالىم ەتتى.

ونىڭ ايتۋىنشا، سايلاۋ ناۋقانى شەڭبەرىندە سىرتقى ىستەر مينيسترلىگى ارقىلى حالىقارالىق بايقاۋ ينستيتۋتى دا اشىلاتىن بولادى. «ءبىز وسى جىلى حالىقارالىق بايقاۋشىلار كورپۋسى 250 گە جۋىق ادامدى قۇرايدى دەپ بولجاپ وتىرمىز» ، - دەدى ق. تۇرعانقۇلوۆ.

ەسكە سالا كەتەيىك، مەملەكەت باسشىسى «قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋدى 2014 - جىلعى 1 - قازانعا تاعايىنداۋ تۋرالى» جارلىققا قول قويعان بولاتىن.

 اۆتور: جاسۇلان جولدىبايەۆ