ليۆاندا جاراقات العاندار سانى 2500 ادامنان استى
اگەنتتىكتىڭ ليۆان دەنساۋلىق ساقتاۋ مينيسترىنە سىلتەمە جاساي وتىرىپ حابارلاۋىنا قاراعاندا، بەيرۋت قالاسىنداعى جارىلىستان كەمىندە 27 ادام كوز جۇمىپ، جاراقات العاندار سانى 2500 دەن اسقان.
قازىرگى كەزدە اۋرۋحانالار جارالىلارعا تولىپ، كوپتەگەن عيمارات بۇزىلعان.
ەسكە سالساق، ليۆانداعى قازاقستاندىق ديپلوماتتاردىڭ اقپاراتى بويىنشا، اعىمداعى جىلعى 4- تامىزدا جەرگىلىكتى ۋاقىت بويىنشا ساعات 18:00 شاماسىندا بەيرۋتتاعى تەڭىز پورتىنىڭ بازاسىندا بىرنەشە قاتتى جارىلىس بولدى. جاقىن ماڭدا ورنالاسقان ۇيلەردە، سونداي-اق جارىلىس ەپيتسەنترىنەن بىرنەشە شاقىرىم جەردە ورنالاسقان عيماراتتاردا تەرەزەلەرى شاعىلدى. جەرگىلىكتى بيلىكتىڭ الدىن- الا اقپاراتى بويىنشا، تەڭىز پورتىندا پيروتەحنيكاسى بار كەمە جارىلعان.
جارىلىس سالدارىنان ليۆانداعى ق ر ديپلوماتيالىق ميسسياسىنىڭ عيماراتىنا زيان كەلدى. بەيرۋتتاعى جارىلىستان قازاقستان كونسۋلى جاراقات الدى.
