ورالدا كوپشىلىك جۇگىرۋ شاراسىنا 2500 ادام قاتىستى
شاراعا كەلگەندەردىڭ اراسىندا ايەلدەر كۇرەسىنەن ريو وليمپياداسىنىڭ قولا جۇلدەگەرى ەكاتەرينا لاريونوۆا باستاعان وليمپياداشىلارمەن قاتار كوپ جىلدان بەرى سپورتتى سەرىك ەتكەندەر، سونداي-اق جاستار مەن وقۋشىلار دا بولدى.
جۇگىرۋگە قاتىسقان وبلىس اكىمى التاي كولگىنوۆتىڭ اتاپ وتكەنىندەي، تاۋەلسىز ەلىمىزدە، سونداي-اق وڭىردە ەلباسى تاپسىرماسىنا سايكەس بۇقارالىق سپورتتى دامىتۋعا ايرىقشا كوڭىل بولىنۋدە. ۆەلوشەرۋ، جاپپاي جۇگىرۋ، شاڭعىمەن جارىسۋ سىندى شارالار داستۇرگە اينالدى. بۇلارعا مەملەكەتتىك قىزمەتكەرلەر دە بەلسەنە قاتىسىپ، سالاۋاتتى ءومىر سالتىن ورنىقتىرۋعا ءوز ۇلەستەرىن قوسىپ كەلەدى. ەلىمىزدىڭ ەگەمەندى، ۇلتىمىزدىڭ ۇلىقتى بولۋى ءۇشىن قازاقستاندىقتاردىڭ دەنساۋلىعى مىقتى بولۋى ءتيىس. ول ءۇشىن حالىقتى سپورتقا جۇمىلدىرۋ ماڭىزدى، ويتكەنى سپورت - ۇلت ومىرشەڭدىگىن قامتاماسىز ەتۋدىڭ، ماڭگىلىك ەل يدەياسىن جۇزەگە اسىرۋداعى باستى فاكتورلاردىڭ ءبىرى.
شارا سوڭىندا وعان بەلسەندى قاتىسۋشىلار «سپورتتىق ۇجىم»، «ەڭ كرەاتيۆتى قاتىسۋشى»، «سپورتتىق وتباسى»، «ەڭ جاس قاتىسۋشى»، «جاسى ۇلكەن قاتىسۋشى»، «ەڭ نازىك قاتىسۋشى» اتالىمدارىمەن ماراپاتتالدى.
«مەن جاستايىمنان وسىنداي سپورتتىق شارالارعا ۇزبەي قاتىسىپ كەلەمىن. ءتىپتى جاس كەزىمدە جەڭىل اتلەتيكادان ايتۋلى دودالاردا جۇلدە العان جەڭىستى ساتتەرىم دە بولدى. جاسىمىز سەكسەنگە كەلگەنىنە قاراماستان، سپورتتى ناسيحاتتاۋدامىز. كۇن سايىن جۇگىرىپ، دەنساۋلىعىن شىڭداۋمەن اينالىسقان ادام ۇزاق ءومىر سۇرە الادى»، دەدى ارداگەر- ۇستاز سوفيا شايماردانوۆا.
ەسكە سالا كەتەيىك، قالا كۇنىنە وراي 10- قىركۇيەك كۇنى ورالدا ۆەلوشەرۋ وتەدى.
