دۋبايدا كۇنىنە 2500 دوللار پايدا تاباتىن قايىر تىلەۋشى ۇستالدى

ءابۋ- دابي. قازاقپارات - العاشقى ءۇش ايدا دۋبايدا قايىر سۇراپ جۇرگەن 59 ادام ۇستالدى. امىرلىك مەگاپوليسىنىڭ مۋنيتسيپاليتەتى حابارلاعانداي، شامامەن 2500 ا ق ش دوللار كولەمىندە پايدا تاپقان.

دۋباي مۋنيتسيپاليتەتىنىڭ وكىلى فەيسال ال بادياۆي ءوز حابارلاماسىندا امىرلىكتەگى قايىر تىلەۋمەن كۇرەسۋ ناۋقانى اياسىندا پوليتسيا قايىر تىلەيتىن 59 تۇلعانى ۇستاعانىن حابارلادى.

ۇستالعانداردىڭ كەيبىرەۋلەرىندە ءتولقۇجاتتارى، ىسكەرلىك جانە تۋريستىك ۆيزالارى بولدى. ناۋقان اياسىندا «قايىرشىلاردىڭ» باسىم بولىگى ب ا ءا- عا ءۇش ايلىق ۆيزا ارقىلى زاڭدى تۇردە كىرگەن، دەدى ال بادياۆي.

امىرلىك شەنەۋنىگىنىڭ سوزىنە قاراعاندا، دۋبايدا قايىر تىلەۋشىلەردىڭ ءبىرى ايىنا 270,000 ديرحامنان استام 73500 ا ق ش دوللار پايدا تاپقان. ورتاشا العاندا ءبىر تاۋلىكتەگى تابىسى شامامەن 9000 ديرحامدى (2450 ا ق ش دوللارىنا جۋىق) قۇرادى. نەگىزىنەن مەشىتتەردىڭ جانىندا قايىر تىلەگەن.