الەمدىك دوپ دوداسى كەزىندە 250000 دانا قۇران تەگىن تاراتىلادى

استانا. قازاقپارات - كۋۆەيت ەلىنىڭ ۋاقىپتار مينيسترلىگى برازيلياداعى دوپ دوداسى كەزىندە بىرنەشە تىلگە اۋدارىلعان 250000 دانا قۇراندى تەگىن تاراتىنىنى تۋرالى مالىمدەدى.

بۇل تۋرالى مينيسترلەر كوللەگياسى مەملەكەتتىك ساتىپ الۋ تەندەرىن جاريالاعانىن جەتكىزدى، دەپ حابارلايدى muslim.kz.

قاسيەتتى قۇران كارىمنىڭ يسپان، پورتۋگال، اعىلشىن جانە فرانسۋز تىلدەرىندەگى اۋدارماسى فۋتبول چەمپيوناتى كەزىندە قوناق ۇيلەر مەن ستاديونداردا، باسقا دا قوعامدىق ورىنداردا تاراتۋ جوسپارلانىپ وتىر.

الەم كۋبوگى ءۇشىن تالاسقا تۇسكەن 32 قۇرامانىڭ ويىندارى ەلدىڭ ون ەكى قالاسىندا وتكىزىلمەك: بەلۋ-وريزونتي، برازيليا، كۋيابا، كۋريتيبا، فورتالەزا، مانۋاس، ناتال، پورتۋ-الەگري، رەسيفي، سالۆادور، سان-پاۋلۋ جانە ريو-دە-جانەيرو شاھارلارىندا.

سونداي-اق، چەمپيونات قوناقتارى مەن جانكۇيەرلەرىنە ارناپ برازيليا مۇسىلماندارى وداعى مەن ومان ەلشىلىگىنىڭ ۇيىتقى بولۋىمەن 32 بەتتىك «سالەم برازيليا» اتتى تانىستىرۋ پاراقشاسى دايىندالۋدا.