جىل سايىن ەلىمىزدە 2500-4000 بالا تۋا ءبىتتى اۋرۋلارمەن دۇنيەگە كەلەدى

استانا. قازاقپارات - ەلىمىزدە جىل سايىن ورتا ەسەپپەن 2500-4000 نارەستە ءتۇرلى تۋابىتكەن دەرتتەرمەن دۇنيەگە كەلەدى. مۇنداي دەرەكتەر اشىق ن ق ا پورتالىندا جاريالاعان 2030 -جىلعا دەيىن انا مەن بالا دەنساۋلىعىن ساقتاۋ قىزمەتىن دامىتۋ تۇجىرىمداماسىندا كەلتىرىلگەن، دەپ حابارلايدى قازاقپارات ءتىلشىسى.

«قازاقستاندا جىلىنا ورتاشا ەسەپپەن 2500 - 4000 جاڭا تۋعان نارەستە ءارتۇرلى تۋا بىتكەن اۋىتقۋلارىمەن جانە دامۋ كەمشىلىكتەرىمەن دۇنيەگە كەلەدى. 2500 گە جۋىق نارەستە جاڭا تۋعان كەزەڭدە حيرۋرگيالىق كومەكتى قاجەت ەتەدى. رەسپۋبليكا بويىنشا حيرۋرگيالىق كومەك كورسەتىلگەن نارەستەلەر سانى %11,6 عا ۇلعايدى، بۇل رەتتە شۇعىل وپەراتسيالاردىڭ ۇلەسى - %61,1. جىل سايىن شامامەن 3845 ءسابيدىڭ جۇرەگىنە وتا جاساۋ قاجەت بولادى»، - دەلىنگەن تۇجىرىمدامادا.

قوسا كەتسەك، دەنساۋلىق ساقتاۋ مينيسترلىگى الداعى 7 جىلعا ارنالعان انا مەن بالا دەنساۋلىعىن ساقتاۋ قىزمەتىن دامىتۋ تۇجىرىمداماسىن ازىرلەپ، قۇجاتتى اشىق تالقىلاۋعا شىعاردى.