قازاقستاندا قايتالاما تۇرعىن ءۇي باعاسى %25,9 عا ءوستى

استانا. قازاقپارات - 2022 -جىلدىڭ قىركۇيەگىنەن 2021 -جىلدىڭ قىركۇيەگىنە دەيىنگى ارالىقتا پاتەر باعاسى قايتالاما نارىقتا %25,9 عا، باستاپقى نارىقتا %17,7 عا ءوستى، دەپ حابارلايدى قازاقپارات ۇلتتىق ستاتيستيكا بيۋروسىنا سىلتەمە جاساپ.

2022 -جىلدىڭ قىركۇيەگىندە تۇرعىن ءۇيدىڭ شارشى مەترىنىڭ ورتاشا باعاسى باستاپقى تۇرعىن ءۇي ءۇشىن 426813 تەڭگەنى جانە قايتالاما تۇرعىن ءۇي ءۇشىن 474877 تەڭگەنى قۇرادى.

وڭىرلەر بويىنشا باستاپقى تۇرعىن ءۇي نارىعىنداعى باعالار اقتوبەدە - %32,5 عا، قوستانايدا - %27 عا، استانادا - %26,6 عا، وسكەمەندە - %25,3 عا، كوكشەتاۋدا-%20,3 عا، اقتاۋدا-%19,3 عا ايتارلىقتاي قىمباتتادى. باستاپقى تۇرعىن ءۇي نارىعىنداعى باعانىڭ از مولشەردە ءوسۋى پاۆلوداردا - %0,9 عا جانە تالدىقورعان-%1,8 كولەمىندە بايقالدى.

قايتالاما تۇرعىن ءۇي نارىعىنداعى باعا ءوسىمى بويىنشا قىزىلوردا - %45، اقتوبە - %44,3، وسكەمەن-%40,4، تالدىقورعان -%38,8، اقتاۋ جانە استانا -%38,4 كوش باستاپ تۇر. ال تومەنگى ءوسىم بويىنشا تۇركىستان -%12,2، اتىراۋ -%13,3 تىركەلدى.