قىتايدىڭ شيان قالاسىندا ق ر تاۋەلسىزدىگىنىڭ 25 جىلدىعىن 700 گە جۋىق ادام اتاپ ءوتتى - فوتو
ءىس شارا حالىقارالىق «ينتەگراتسيا» قورىنىڭ وكىلدىگى جانە شيان قالاسىنىڭ تاۋارلار ساپاسىن قاداعالاۋ جونىندەگى باسقارماسىنىڭ قولداۋىمەن ۇيىمداستىرىلدى. وعان 700 دەن استام ادام قاتىستى. ولاردىڭ اراسىندا قازاقستاننىڭ قىتايداعى ەلشىلىگىنىڭ باسشىلارى مەن قىزمەتكەرلەرى شيان قالاسىنداعى ءبىرقاتار ۇيىم، مەكەمەلەردىڭ جانە جوعارى وقۋ ورىندارىنىڭ باسشىلارى مەن قىتايداعى قازاق دياسپوراسىنىڭ وكىلدەرى بار.
«كونفەرەنسيا وتەتىن زال 496 ادامعا لايىقتالعان بولاتىن. ءبىز زال كورەرمەندەرگە لىق تولادى دەپ ويلاعان جوقپىز. كونسەرت كەزىندە كوپتەگەن ستۋدەنتتەردىڭ تۇرىپ تۇرۋلارىنا تۋرا كەلدى. سوعان قاراماستان قالىڭ كوپشىلىك وكىلدەرىنىڭ ءبىرى وتىرىپ، ءبىرى تۇرەگەلىپ تۇرىپ، مەرەكەلىك باعدارلامانى سوڭىنا دەيىن تاماشالادى. كەش بارلىعىنا ۇنادى. ءبىزدىڭ ەسەبىمىز بويىنشا ءىس- شاراعا بارلىعى 700-گە جۋىق ادام قاتىستى»، - دەدى KSAC ۇيىمىنىڭ شيان قالالىق بولىمشەسىنىڭ ءتوراعاسى، چاڭان ۋنيۆەرسيتەتىنىڭ حالىقارالىق قاتىناستار جانە ساۋدا فاكۋلتەتىنىڭ 4- كۋرس ستۋدەنتى جانسەرىك تۇرسىنبەك.
ونىڭ سوزىنشە، كونسەرتتىڭ الدىندا كەيبىر ستۋدەنتتەردىڭ اتا- انالارى مەن زارينا التىنبايەۆا، تامارا اسار، ايگەرىم قالابايەۆا، اسەل ءسادۋاقاسوۆا، «مۇزارت» توبى، ۆەنەرا نيگماتۋلينا سياقتى قازاقستاندىق ارتىستەر مەن ەسترادا جۇلدىزدارى وكىلدەرىنىڭ سونداي-اق كينورەجيسسەر امانجول ايتۋاروۆتىڭ، اكتەر سانجار ماديەۆتىڭ، شيان قالاسىنىڭ جوعارى وقۋ ورىندارىنىڭ ستۋدەنتتەرى مەن ۇستازدارىنىڭ، چۇڭچيڭ، ۋحان، گۋاڭجوۋ سياقتى قالالاردىڭ KSAC بولىمشەلەرى جەتەكشىلەرىنىڭ قاتىسۋىمەن بەينەقۇتتىقتاۋلار كورسەتىلگەن بولاتىن.
قىتايدىڭ قازاق ستۋدەنتتەر بىرلەستىگى وكىلدەرىنەن قۇرىلعان «تاماشا» توبىنىڭ بيىنەن سوڭ ق ر مەملەكەتتىك ءانۇرانى ورىندالدى. وسى كەشتىڭ قاتىسۋشىلارى مەن قوناقتارىن قازاقستاننىڭ قىتايداعى ەلشىلىگىنىڭ كونسۋلدىق بولىمشەسىنىڭ جەتەكشىسى بولات سىرلىبايەۆ پەن KSAC ۇيىمىنىڭ شيان قالالىق بولىمشەسىنىڭ ءتوراعاسى جانسەرىك تۇرسىنبەك جانە قىتايلىق قوناقتاردىڭ ءبىرقاتارى قۇتتىقتادى.
مەرەكەلىك شارا بارىسىندا ۇلتتىق كيىمدەردى كيىنىپ شىققان شىققان قىزدار «شاشۋ» سالتىن كورسەتتى. ودان ءارى «اتامەكەن» توبىنىڭ دومبىراشىلارى، كومپوزيتور مۇرات شەريزات ۇلى، «ينتەگراتسيا» حالىقارالىق قورى وكىلدىگىنىڭ بيشىلەر توبى جانە ستۋدەنت ايزات قاناتوۆا ونەر كورسەتتى. وسى سياقتى وزگە دە مەرەكەلىك قويىلىمداردان سوڭ شارانىڭ قاتىسۋشىلارى مەن قوناقتارى ستۋدەنتتەر دايىنداعان پالاۋ، باۋىرساق جانە ءتۇرلى ءتاتتى تاعامداردان ءدام تاتتى.
«مەن جانە مەنەن باسقا دا ءبىرقاتار بالالار كەشتىڭ ۇيىمداستىرۋ جۇمىستارىمەن اينالىسقاندىقتان كونسەرتتى تولىق تاماشالاي المادىق. ءبىراق، ارتىنان بۇكىل مەرەكەلىك باعدارلامانىڭ كاسىبي تۇردەگى بەينەكورسەتىلىمىن كوردىك جانە ءبىز ورىنداۋشىلاردىڭ جوعارى دەڭگەيلەرىنە ءتانتى بولدىق. ءبىز اي سايىن قانداي دا ءبىر مادەني نەمەسە سپورتتىق ءىس- شارا ۇيىمداستىرىپ وتىرۋعا تىرىسامىز. مەنىڭشە، وسى كونسەرت سينايداعى قازاقستاندىقتار ءۇشىن بيىلعى جىلدىڭ ەڭ ءىرى ءارى ماڭىزدى شارالارىنىڭ ءبىرى بولدى»، - دەدى «قازاقپارات» ح ا ا- نىڭ تىلشىسىنە بەرگەن سۇحباتىندا شيان كولىك ۋنيۆەرسيتەتىندە «حالىقارالىق قۇقىق» ماماندىعى بويىنشا ءبىلىم الىپ جاتقان رايسيام مۋردينوۆا.
