استانادا تاۋەلسىزدىكتىڭ 25 جىلدىعىنا ارنالعان ەسكەرتكىش تۇرعىزۋعا 100 ميلليون تەڭگە بولىنەدى

استانا. قازاقپارات - استانادا سالىناتىن تاۋەلسىزدىكتىڭ 25 جىلدىعىنا ارنالعان ەسكەرتكىشكە جەرگىلىكتى بيۋدجەتتەن 100 ميلليون تەڭگە بولىنەدى.

بۇل تۋرالى ءماسليحاتتىڭ كەزەكتەن تىس سەسسياسى كەزىندە استانا اكىمىنىڭ ورىنباسارى اندرەي لۋكين ايتتى.

«قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان ەسكەرتكىشتىڭ قۇرىلىسىنا 100 ميلليون تەڭگە بولىنەدى»، - دەدى اكىمنىڭ ورىنباسارى 2015-جىلدىڭ 11- جەلتوقسانىنداعى «2016-2018-جىلدارعا ارنالعان استانا قالاسىنىڭ بيۋدجەتى تۋرالى» ءماسليحات شەشىمىنە تولىقتىرۋلار مەن وزگەرتۋلەر ەنگىزۋ تۋرالى ايتا وتىرىپ.

سونىمەن قاتار، ول سالتاناتتى قاقپا ماڭىندا ۇلكەن الاڭ سالۋعا دا بيۋدجەتتەن قاراجات بولىنەتىنىن مالىمدەدى.

ەسكە سالايىق، وتكەن جىلدىڭ سوڭىندا قازاقستان تاۋەلسىزدىگىنىڭ 25 جىلدىعىنا ارنالعان ەسكەرتكىشتىڭ ۇزدىك سىزبا-يدەياسى انىقتالعان ەدى. كونكۋرس ناتيجەسى بويىنشا الماتىلىق ەدىل الىمبەكوۆ ءبىرىنشى ورىندى جەڭىپ الدى.