22:36, 11 - مامىر 2023 | GMT +5
فينليانديادا كوپىر قۇلاپ، 24 ادام زارداپ شەكتى
حەلسينكي. قازاقپارات - بەيسەنبى كۇنى فينليانديا استاناسى حەلسينكيگە جاقىن ماڭداعى ەسپوو قالاسىندا جاياۋ جۇرگىنشىلەرگە ارنالعان كوپىردىڭ قۇلاۋى سالدارىنان كەمىندە 24 ادام زارداپ شەكتى، دەپ حابارلايدى قازاقپارات Reuters اگەنتتىگىنە سىلتەمە جاساپ.

پوليسيا قۇرىلىس جۇمىستارىن جۇرگىزۋ ءۇشىن شەرەدەن ۋاقىتشا كوپىر سالىنعانىن مالىمدەدى.
حەلسينكي ۋنيۆەرسيتەتتىك اۋرۋحاناسىنىڭ مالىمەتىنشە، جاراقات العانداردىڭ كوبى - ەكسكۋرسيادان ورالىپ كەلە جاتقان مەكتەپ وقۋشىلارى.
اۋرۋحاناعا جەتكىزىلگەن ادامداردىڭ كوپشىلىگىنىڭ بيىكتىكتەن قۇلاۋ سالدارىنان اياق- قولدارى سىنعان. تەرگەۋ امالدارى جۇرگىزىلۋدە. پوليسەيلەر وقيعانىڭ ەگجەي- تەگجەيىن تۇسىندىرگەن جوق، دەپ حابارلايدى Breaking News.