اقتاۋدا دارىگەرلەر استان ۋلانعان مەيرامحانانىڭ 24 قىزمەتكەرى جۇمىستان شەتتەتىلدى
بۇل تۋرالى ماڭعىستاۋ وبلىستىق سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسىلبەك شاروۆ ءمالىم ەتتى، دەپ حابارلايدى قازاقپارات ءتىلشىسى.
قوناق ءۇي كەشەنىندەگى مەيرامحاناعا تەكسەرۋ جۇرگىزىلگەن. وندا 20 قىزمەتكەردىڭ جالعان مەديتسينالىق كىتاپشا جاساتقانى انىقتالعان. ال تورتەۋىندە مۇلدەم بولماعان.
سونداي- اق تەكسەرىلگەن 21 قىزمەتكەردىڭ جەتەۋىنىڭ اعزاسىنان ستافيلوكوك تابىلعان. وعان قوسا مەيرامحانادان جارامدىلىق مەرزىمى وتكەن 220 كەلى كولەمىندەگى 73 ءتۇرلى تاعام انىقتالعان.
«جوسپارعا ساي تەكسەرۋ جۇمىستارى ناتيجەسىندە انىقتالعان ورەسكەل سانيتاريالىق تالاپتاردى بۇزۋشىلار ادام دەنساۋلىعىنا اكەلىپ سوققان ارەكەتى ءۇشىن «اكىمشىلىك قۇقىق بۇزۋشىلىق تۋرالى» كودەكستىڭ 425-بابىنىڭ 2-بولىمىنە سايكەس قىلمىستىق جازالاناتىن ءىس- ارەكەتى بويىنشا اقتاۋ قالاسىنىڭ پوليتسيا باسقارماسىنا حات جولداندى»، - دەدى اسىلبەك شاروۆ.
ەندى بۇل ىسپەن اقتاۋ قالاسىنىڭ پوليتسيا باسقارماسى اينالىسادى.
ايتا كەتسەك، 12-ءساۋىر كۇنى اۋىزاشاردا 16 دارىگەر اتالعان مەيرامحانادا استان ۋلانعان ەدى.
قازىر دارىگەرلەردىڭ جاعدايى جاقسى.
