بازالىق مولشەرلەمە بويىنشا شەشىم 24- اقپاندا جاريالانادى
بۇل تۋرالى ق ر ۇلتتىق بانك ءتوراعاسى عالىمجان ايتتى، دەپ حابارلايدى قازاقپارات ءتىلشىسى.
«ۇلتتىق بانك ينفلياتسيالىق تارگەتتەۋ ساياساتىن ۇستانۋدى جالعاستىرادى. بيىل ينفلياتسيالىق قىسىمنىڭ تومەندەۋىن كۇتەمىز. بۇعان 2022-جىلى بازالىق مولشەرلەمەنى كوتەرۋدىڭ وڭ اسەرى ىقپال ەتەتىن بولادى. ءبىزدىڭ 2023-جىلعى نەگىزگى مىندەتىمىز - ينفلياتسيانى تۇراقتى تۇردە تومەندەتۋ، ورتا مەرزىمدى پەرسپەكتيۆادا نىسانالى باعدار دەڭگەيىنە قايتارۋ»، - دەدى ۇ ب ءتوراعاسى ب ا ق وكىلدەرىنە ارنالعان بريفينگتە.
ونىڭ اتاپ وتۋىنشە، بازالىق مولشەرلەمە جونىندەگى كەلەسى شەشىم بولجامدىق راۋند ناتيجەسىندە قابىلدانادى.
«بولجامدى راۋند كەزىندە ءبىز بولجامدار مەن باعالاۋلارىمىزدى جاڭارتامىز. بازالىق مولشەرلەمە بويىنشا كەزەكتى شەشىم 2023-جىلعى 24- اقپاندا استانا قالاسىنىڭ ۋاقىتىمەن ساعات 12:00 دە جاريالانادى»، - دەدى عالىمجان ءپىرماتوۆ.
ەسكە سالساق، وتكەن جىلدىڭ سوڭىندا ۇلتتىق بانك بازالىق مولشەرلەمەنىڭ دەڭگەيىن كوتەرىپ %16,75 دەپ بەلگىلەگەن بولاتىن.
