پاكىستاندا تابيعات اپاتىنان 24 ادام مەرت بولدى

بۇل تۋرالى تابيعي اپاتتارمەن كۇرەس ۇلتتىق باسقارماسىنان ءمالىم بولدى، دەپ حابرلايدى قازاقپارات «شينحۋا» اگەنتتتىگىنە سىلتەمە جاساپ.

ۇلتتىق باسقارمانىڭ ەسەبى بويىنشا جەكسەنبى كۇنى كەشكىسىن پاكىستاننىڭ وڭتۇستىگىندەگى سۋ تاسقىنىنان كوبىرەك زارداپ شەككەن سيند پروۆينسياسىندا تابيعي اپات 19 ادامنىڭ ءومىرىن قيىپ كەتتى. ودان كەيىن ەلدىڭ سولتۇستىك- باتىس بولىگىندەگى حايبەر-پاحتۋنحۆا پروۆينسياسىندا 3 ادام كوز جۇمدى. ەلدىڭ شىعىس بولىگىندەگى پەندجاب پروۆينسياسىندا 1 ادام مەرت بولىپ، 107 ادام زارداپ شەككەن. ال وڭتۇستىك- باتىستاعى بەلۋدجيستان پروۆينسياسىندا 1 ادام مەرت بولعان.

ەل بويىنشا 214707 ءۇي قيراپ، 13946 باس مال قىرىلدى.

ۇلتتىق باسقارمانىڭ جاڭارتىلعان سوڭعى مالىمەتتەرى بويىنشا، پاكىستاندا وسى ماۋسىمدا مۋسسوندى جاۋىن مەن سۋ تاسقىنى سالدارىنان مەرت بولعاندار سانى ماۋسىم ايىنىڭ ورتاسىندا 1314 ادامعا جەتىپ، 12703 ادام زارداپ شەككەن.

سونىمەن قاتار 1682726 ءۇي قيراپ، 750405 باس مال قىرىلدى.

سۋ تاسقىنىنان زارداپ شەككەن اۋدانداردى قۇتقارۋ وپەراتسيالارى جالعاسۋدا.