الماتى وبلىسىندا وتكەن جىلى 24 انا ءولىمى تىركەلگەن

تالدىقورعان. قازاقپارات - الماتى وبلىسىندا وتكەن جىلى 24 انا ءولىمى تىركەلگەن، - دەپ حابارلايدى قازاقپارات ءتىلشىسى.
None
None

بوسانعاننان كەيىن قايتىس بولۋ جاعدايلارى نەگىزىنەن قاراساي، پانفيلوۆ، ەڭبەكشىقازاق اۋداندارى مەن قاپشاعاي قالالارىندا بولعان. دارىگەرلەردىڭ ايتۋىنشا، انالاردىڭ باسىم بولىگى كوروناۆيرۋس جۇقتىرعاننان كەيىن باسقا دا دەرتتەردىڭ قوزۋىنان كوز جۇمعان. بۇل «دەنى ساۋ ۇلت» جوباسىنداعى كورسەتكىشتەر بويىنشا ءوڭىردىڭ دەڭگەيىن تومەندەتىپ وتىر.

تالدىقورعاندا وتكەن القالى جيىندا بيىل مۇنداي قايعىلى وقيعالارعا جول بەرمەۋ جولدارى قاراستىرىلدى. قالادا مامانداردى وقىتۋ، قاجەتتى قۇرال جابدىقتار ساتىپ الۋ ماسەلەلەرى قولعا الىنباق. سونداي- اق نارەستە ءولىمى بويىنشا دا وبلىستىڭ كورسەتكىشتەرى رەسپۋبليكالىقتان ەداۋىر جوعارى. باستى سەبەپ مامان تاپشىلىعى.

«قازىرگى تاڭدا الماتى وبلىسىندا 292 دارىگەر جەتىسپەيدى. سوعان قاراي قازىرگى تاڭدا الماتى وبلىسىنىڭ اكىمى بىزگە تاپسىرما بەرىپ وتىر. بىرىنشىدەن ول ءۇي ماسەلەسى شەشىلۋ كەرەك. سول كەزدە مامانداردىڭ دا جۇمىس ىستەۋگە قىزىعۋشىلىعى ارتادى دەپ ويلايمىز»، - دەدى الماتى وبلىستىق دەنساۋلىق ساقتاۋ باسقارماسىنىڭ باسشىسى ءومىرزاق نيازبەكوۆ.

اۆتور: سامال قابىشيەۆا

سوڭعى جاڭالىقتار