«ديكي ارمان» توبى 24 بەيبىت تۇرعىندى ۇرلاپ، كۇشتەپ ۇستاعان - پروكۋراتۋرا

بۇل تۋرالى ق ر باس پروكۋراتۋراسى ارنايى پروكۋرورلار قىزمەتىنىڭ باستىعى ريزابەك وجاروۆ ايتتى، دەپ حابارلايدى قازاقپارات ءتىلشىسى.

«قازىرگى تاڭدا 18 ۇيىمداسقان قىلمىستىق توپتىڭ مۇشەسى، ادام ءولتىرۋ، ۇرلىق، توناۋ جانە قاراقشىلىق جاساعانى ءۇشىن بۇرىن سوتتى بولعان 21 تۇلعا ۇستالدى. ولاردىڭ قاتارىندا «ديكي ارمان» لاقاپ اتىمەن تانىمال - جۇماگەلديەۆ جانە ونىڭ توپ مۇشەلەرى دە بار. بۇل تۇلعا تۋرالى جەكە توقتالىپ وتەيىن. ونىڭ قارۋلانعان ادامدارى كەزدەيسوق ءوتىپ بارا جاتقان 24 بەيبىت تۇرعىندى ۇرلاپ، كۇشتەپ ۇستاعان. ولاردى ءبىر جەردەن ەكىنشى جەرگە اپارىپ، ۇرىپ-سوققان، سالدارىنان ءبىر ادام قازا بولدى. بۇدان باسقا، قاراقشىلار 12-قالالىق اۋرۋحانادا پوليتسيا قىزمەتكەرىن قاتتى سوققىعا جىعىپ، قىزمەتتىك قارۋىن تارتىپ العان»، - دەدى ريزابەك وجاروۆ.