قازاقپارات كۇنتىزبەسى: 24- تامىز
ەستە قالار وقيعالار
1996-جىلى الماتى وبلىسى جامبىل اۋدانىنىڭ قاراكەستەك اۋىلىندا اقىن ءسۇيىنباي ارون ۇلىنىڭ ادەبي-مەموريالدىق مۇراجايى اشىلدى.
1998-جىلى قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ جارلىعىمەن كومپوزيتور نۇرعيسا تىلەنديەۆكە «حالىق قاھارمانى» اتاعى بەرىلدى.
1999-جىلى بىشكەك قالاسىندا «شاڭحاي بەستىگى» سامميتىنە قاتىسۋشى مەملەكەتتەر - قازاقستان رەسپۋبليكاسى، قىتاي حالىق رەسپۋبليكاسى، قىرعىز رەسپۋبليكاسى، رەسەي فەدەراتسياسى، تاجىكستان رەسپۋبليكاسى باسشىلارىنىڭ كەزدەسۋى باستالدى.
كەزدەسۋ بارىسىندا حالىقارالىق جانە ايماقتىق ماسەلەلەر قارالىپ، ەسىرتكى تاسىمالدارىنا، سەپاراتيزمگە، ءدىني ەكسترەميزمگە قارسى شارالار تالقىلاندى. سامميت قورىتىندىسىندا مەملەكەت باسشىلارى بىشكەك دەكلاراتسياسىنا قول قويدى. سونىمەن قاتار، ن. نازاربايەۆ، جياڭ زىمين جانە ا. اقايەۆ مەملەكەت شەكارالارىنىڭ شەكتەسۋ نۇكتەسى جونىندە ءۇشجاقتى كەلىسىمگە قول قويدى.
2005-جىلى قازاقستاننىڭ كورنەكتى ساياسي قايراتكەرى يمانعالي تاسماعامبەتوۆتىڭ «كەنتاۆرى ۆەليكوي ستەپي» كىتابى ماسكەۋدە وتكەن ت م د- عا مۇشە مەملەكەتتەردىڭ «كىتاپ ونەرى» اتتى II حالىقارالىق كورمەسىندە بايقاۋدىڭ باس جۇلدەسىن جەڭىپ الدى.
2012-جىلى سەمەيدەن 50 شاقىرىم جەردە قازاق حالقىنىڭ تاريحىنداعى بەلگىلى باتىر - كۇشىكبايعا ەسكەرتكىش قويىلدى. كۇشىكباي باتىر جوڭعارمەن سوعىستا ەرلىكپەن كوزگە تۇسكەن. ونىڭ سونداي-اق جومارتتىعىمەن، ادىلدىگىمەن اتى شىققان.
2012-جىلى ق ر ۇلتتىق بانكى اينالىسقا نومينالى 500 تەڭگەلىك «الەمنىڭ ايگىلى مەشىتتەرى» مونەتالار سەرياسىنان «Faisal» جانە «Zahir» ەستەلىك مونەتالارىن شىعاردى.
2016-جىلى قازاقستان پرەزيدەنتى نۇرسۇلتان نازاربايەۆ رەسمي ساپارمەن سەربيا استاناسى بەلگرادقا بارىپ، ساپار بارىسىندا سەربيا پراۆوسلاۆ شىركەۋىنىڭ جوعارى ناگراداسى - 1- دارەجەلى قاسيەتتى ساۆۆا وردەنىمەن ماراپاتتالدى.
2016-جىلى قازاقستان پرەزيدەنتى نۇرسۇلتان نازاربايەۆ سەربياعا رەسمي ساپارى اياسىندا بەلگرادتىڭ ورتالىق كوشەلەرىنىڭ ءبىرىنىڭ بويىنداعى شاعىن الاڭدا قازاقتىڭ ۇلى اقىنى جامبىل جابايەۆتىڭ ءمۇسىنىن اشتى. جامبىل ءمۇسىنىنىڭ اشىلۋىنا سەربيا پرەزيدەنتى توميسلاۆ نيكوليچ، بەلگراد مەرى مەن قالا تۇرعىندارى قاتىسىپ، الماتى وبلىسى فيلارمونياسىنىڭ انشىلەرى جىردان شاشۋ شاشتى.
2016 -جىلى حالىقارالىق وليمپيادا كوميتەتىنىڭ پرەزيدەنتى توماس باح گەننادي گولوۆكينگە ايرىقشا وليمپيادالىق توسبەلگىسىن جولدادى. بۇل حالىقارالىق وليمپيادا كوميتەتىنىڭ گەننادي گولوۆكيننىڭ سپورتقا سىڭىرگەن ەڭبەگى مەن الەم سپورتىندا قالدىرعان مۇراسىن مويىندايتىندىعىنىڭ بەلگىسى.
2017 -جىلى استانادا «قازاقستاننىڭ جاڭا تاريحي بەلەسى» كورمەسىندە سيرەك كەزدەسەتىن بىرەگەي ماتەريالدار — مەشىتتەر مەن شىركەۋلەردىڭ كىتاپتارى، XVIII عاسىرداعى قازاق حاندىعى تاريحىنان سىر شەرتەتىن قۇجاتتار، ولاردىڭ كوشىرمەلەرى، «الاش» پارتياسى مەن «الاش وردا» ۇكىمەتىنىڭ قىزمەتىنەن ماعلۇمات بەرەتىن قۇجاتتار، ماعجان جۇمابايەۆتىڭ بۇرىن قۇپيا ساقتالعان قولجازباسى كورسەتىلدى.
2017-جىلى ش. چوكين اتىنداعى قازاق ەنەرگەتيكا عىلىمي-زەرتتەۋ ينستيتۋتىندا «رۋحاني جاڭعىرۋ» باعدارلاماسى اياسىندا عالىم-ەنەرگەتيك، ەنەرگەتيكا عىلىمدارىنىڭ نەگىزىن قالاۋشى، تەحنيكا عىلىمدارىنىڭ دوكتورى، پروفەسسور، اكادەميك شافيك چوكيننىڭ ەسكىرتكىشى اشىلدى.
2020-جىلى اتىراۋدا التىن جانە كۇمىس جادىگەرلەرى بىرگە جەرلەنگەن سيرەك كەزدەسەتىن زيرات انىقتالدى. ونىڭ ەرەكشەلىگى جەرلەۋ ورنى ەكىقاباتتى.
استىڭعى بولىگىنەن تابىلعان جادىرگەرلەر ءبىزدىڭ داۋىرىمىزگە دەيىنگى ەكىنشى عاسىر سارماتتار كەزەڭىنە جاتادى، ال ۇستىڭگىسى قاباتتاعى الدەقايدا كەيىنىرەك، XI- XII عاسىرلارعا ءتان.