قازگيدرومەت: 24-ءساۋىر كۇنگى اۋا رايى بولجامى

اتموسفەرالىق فرونتالدى بولىكتەردىڭ وتۋىنە بايلانىستى جەكەلەگەن وڭىرلەردە نايزاعاي ويناپ، جاڭبىر جاۋادى. سولتۇستىك-باتىس جانە باتىستا - جاۋىن-شاشىن (جاڭبىر، قار)، داۋىل، تۇمان، ەكپىندى جەل، باتىس جانە وڭتۇستىكتە - شاڭدى داۋىل، بۇرشاق كۇتىلەدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، قوستاناي وبلىسىنىڭ كەي جەرلەرىندە داۋىل، تۇمان، تۇندە كەي جەرلەردە، كۇندىز باسىم بولىگىندە جەل 15-23 م/س كۇشەيەدى.

قىزىلوردا وبلىسىنىڭ كەي جەرلەرىندە داۋىل، شاڭدى داۋىل، كۇندىز بۇرشاق، كەي جەرلەرىندە جەل 15-23 م/س ارتادى.

كۇندىز جامبىل، تۇركىستان، باتىس قازاقستان، اقتوبە وبلىستارىنىڭ كەي جەرلەرىندە جەل 15-20 م/س كۇشەيەدى.

تۇركىستان وبلىسىنىڭ كەي جەرلەرىندە داۋىل كۇتىلەدى، باتىس قازاقستان وبلىسىندا بۇرشاق جاۋۋى ىقتيمال.

اتىراۋ، سولتۇستىك قازاقستان، قاراعاندى، شىعىس قازاقستان وبلىستارىنىڭ كەي جەرلەرىندە جەلدىڭ كۇشى 15-25 م/س كۇشەيەدى.

اتىراۋ وبلىسىنىڭ كەي جەرلەرىندە شاڭدى داۋىل، قاراعاندى وبلىسىندا تۇمان بولجانادى.

اقمولا وبلىسىنىڭ كەي جەرلەرىندە تۇمان، بۇرشاق، 15-20 م/س ەكپىندە جەل كۇتىلەدى.

الماتى وبلىسىنىڭ جالاڭاشكول اۋدانىندا جەل 15-20 م/س ارتادى. كۇندىز پاۆلودار وبلىسىنىڭ كەي جەرلەرىندە داۋىل، بۇرشاق، 15-25 م/س جىلدامدىقتا جەل تۇرادى.