لوتەرەيادان 24 ميلليون تەڭگە ۇتقان جەڭىمپازدى بۇكىل قازاقستان ىزدەپ جاتىر

 استانا. قازاقپارات - «ءساتتى جۇلدىز» لوتەرەياسىنىڭ ۇيىمداستىرۋشىلارى وسىمەن ءۇش كۇن بويى 24564426 تەڭگە ۇتىپ العان جەڭىمپازدى ىزدەپ جاتىر.

سۋپەر- جۇلدەنىڭ يەگەرى 21- قاراشا كۇنى «Loto 6/49» ارنايى تيراجىندا انىقتالعان ەدى.

ۇتىس «5 سان جانە بونۋستىق شار» كاتەگورياسىندا بەلگىلى بولدى. ۇتىستىڭ قاراعاندى قالاسى، ستەپنوي-4- شاعىن اۋدانى، «الماس» دۇكەنىندە تىگىلگەنىن IT- جۇيە ءاپ-ساتتە انىقتاپ بەردى.

ۇيىمداستىرۋشىلار جەڭىمازدان 88000805200 call-ورتالىق نومىرىنە حابارلاسۋىن سۇرايدى.

ءساتتى بيلەتتى ساتقان ساتۋشى دا قۇر الاقان قالمايدى. ول جۇلدەنىڭ 1 پايىزىن، 240 مىڭ تەڭگەنى، يەلەنەدى. «Loto 6/49» ويىنى 2018-جىلدىڭ 21- ناۋرىزىندا باستالدى. لوتەرەيا ءار سارسەنبىدە وتەدى.

قازىرگە دەيىن «ءساتتى جۇلدىز» لوتەرەياسىنىڭ ۇلتتىق وپەراتورى قازاقستاندىقتارعا 1 ميلليارد تەڭگە شاماسىندا جۇلدە تولەدى.

Massaget.kz