سولتۇستىك قازاقستاندا 24 جىل بۇرىنعى ولىمگە قاتىستى ءىس اشىلدى

پەتروپاۆل. قازاقپارات - سولتۇستىك قازاقستاندىق پوليتسيا قىزمەتكەرلەرى جىلدار بويى اشىلماعان قىلمىستار ساناتىنا جاتاتىن ىستەردى نازاردان تىس قالدىرمايدى، دەپ حابارلايدى «قازاقپارات» ح ا ا ءتىلشىسى س ق و ءى ءى د- نىڭ باسپا ءسوز قىزمەتىنە سىلتەمە جاساپ.

دەپارتامەنت باسشىسىنىڭ ءبىرىنشى ورىنباسارى دۋمان تايەۆتىڭ ايتۋىنشا، كريمينالدىق پوليتسيا قىزمەتكەرلەرى 3 اسا اۋىر قىلمىستىڭ بەتىن اشقان: 1993 -جىلى تايىنشا اۋدانىندا جاسالعان كىسى ءولىمى؛ 1988 -جىلى ايىرتاۋ اۋدانىندا ادام ومىرىنە جاسالعان قاستاندىق جانە اسا ءىرى كولەمدەگى ەسىرتكى زاتتارىن ساۋدالاۋ.

سونىمەن قاتار، 26 اۋىر قىلمىس اشكەرەلەندى. سولاردىڭ قاتارىندا ادام دەنساۋلىعىنا اۋىر زيان كەلتىرۋگە قاتىستى 3 دەرەك، 2 قاراقشىلىق شابۋىل، 8 توناۋ قىلمىسى.

«اۋىر قىلمىستاردىڭ ءبىرى 2016 -جىلى م. جۇمابايەۆ اۋدانىندا جاسالعان قاراقشىلىق شابۋىل بولدى. بەتپەردە كيگەن بەلگىسىز ەكى ازامات وكتيابرسكوە اۋىلى تۇرعىنىنىڭ ۇيىنە شابۋىل جاساعان. ولار ءۇي يەسىن ۇرىپ-سوعىپ، بايلاپ، جەرقويماعا جاسىرىپ كەتكەن. ولاردىڭ ولجاسى سەيفتەن ۇرلانعان اقشا، ەكى اڭ اۋلايتىن مىلتىق، پنيەۆماتيكالىق ۆينتوۆكا، وق سالعىش جانە وقتار بولدى. بىرنەشە تاۋلىك ىشىندە جەدەل قىزمەتكەرلەر مەن قۇتقارۋشىلار كولدەگى مۇزدى جارىپ، قىلمىسكەرلەر سۋعا باتىرىپ جىبەرگەن قارۋ-جاراقتى الىپ شىعۋ ءۇشىن مۇزداي سۋعا سۇڭگىدى. جانە تاپتى دا. بۋلايەۆو اۋدان ورتالىعىنىڭ ەكى تۇرعىنى ۇزاق مەرزىمدى قاماۋعا الىندى»، - دەپ مالىمدەدى باسپا ءسوز قىزمەتى.

جىل باسىنان بەرى وتكەن جىلداردا جاسالعان 627 قىلمىس اشىلدى. بۇل 2016 -جىلمەن سالىستىرعاندا %42,5 عا ارتىق.