04:04, 22 - مامىر 2017 | GMT +6
ون ەكى جاسار جاپون قىزى 24 جاستاعى قارسىلاسىن سۇلاتىپ سالدى
استانا. قازاقپارات - مومو لاقاپ اتىمەن بەلگىلى 12 جاسار جاپون قىزى Deep Jewels ارالاس جەكپە- جەگىندە وزىنەن تاجىريبەسى ارتىق ءارى جاسى ۇلكەن قارسىلاسىنان باسىم ءتۇسىپ، سەنساتسيالىق جەڭىسكە قول جەتكىزدى.
Championat.com سايتىنىڭ حابارلاۋىنشا، موموعا وسى كەزگە دەيىن بەس كەزدەسۋدى (ەكى جەڭىس، ءۇش جەڭىلىس) باسىنان وتكىزگەن 24 جاسار موموكو ياماساكيمەن ايقاستى.
الايدا، اۋەسقوي ارالاس كۇرەس ونەرى ەرەجەسى بويىنشا وتكەن جەكپە- جەك باستالعاننان كەيىن نەبارى ءۇش مينۋتتىڭ ىشىندە كىشكەنتاي قىز قىلعىندىرۋ ءتاسىلىن ۇتىمدى پايدالانىپ، تورەشىنىڭ ويىندى توقتاتۋىنا تۋرا كەلگەن.