ءۇندىستاندا كوتەرىلىسشىلەر 24 پوليتسەيدى ءولتىردى

بۇل تۋرالى دۇيسەنبىدە بەلگىلى بولدى دەپ حابارلادى BBC News.

ءتارتىپ ساقشىلارى سۋكما وكرۋگىندە جول سالىپ جاتقان جۇمىسشىلاردى كۇزەتىپ تۇرعان. كەي دەرەكتەردە ولارعا 300 سودىر شابۋىلداعانى ايتىلادى. وسىنداي شابۋىل وڭىردە 11 -ناۋرىزدا دا بولعان، ول كەزدە 12 پوليتسەي كوز جۇمدى.

قارۋلى ماوسيت توبى ءۇندىستاندا وتكەن عاسىردىڭ 60- جىلدارىنان بەرى بار. ماقساتتارى ەل اۋماعىندا ءوزىن-ءوزى باسقاراتىن «ەركىن ايماق» قۇرۋ. ناكساليتتەرگە بىرنەشە اتىشۋلى لاڭكەستىك پەن شابۋىلدار جاسادى دەگەن كۇدىك تاعىلۋدا.

2016 -جىلى ناۋرىزدا ولار ۇيىمداستىرعان شابۋىل سالدارىنان چحاتتيسگارح شتاتىندا جەتى پوليتسەي قازا تاپقان. چحاتتيسگارحتا پوليتسيا قىزمەتكەرلەرىنە ءىرى شابۋىل 2010 -جىلى بولعان، ول كەزدە سودىرلار 75 پوليتسەيدى ولتىرگەن. سودان كەيىن مەملەكەت وڭىردە اۋقىمدى لاڭكەستىكتى باقىلاۋ وپەراتسياسىن باستاعان.