اكەسى: ديماشقا 24 ساعات كامەرانىڭ استىندا ءومىر ءسۇرۋ وڭاي ەمەس
مۇنىمەن قاتار، ول « ءانشى» بايقاۋىنىڭ قانشالىقتى قيىن ەكەنىن ءسوز ەتتى. ول جەردە ۇلى مەن باسقا دا قاتىسۋشىلار 24 ساعات بويى كامەرانىڭ استىندا ءومىر سۇرۋگە ءماجبۇر ەكەن.
بۇل تۋرالى «تۇنگى ستۋديا»باعدارلاماسىندا ايتىلدى.
«وتكەن مەرەكە بارشامىزعا قۇتتى بولسىن! ۇلىستىڭ ۇلى كۇنىن قاشان دا ۇلكەن ۇمىتپەنەن، قۋانىشپەن كۇتەمىز! ءاربىر شاڭىراقتا تەك جاقسىلىق بولسىن دەپ تىلەيتىن ەلمىز. ۇلىمىزدىڭ جەڭىستى كۇندەرىن كورىپ، سوعان ۇلكەن شاتتىقپەنەن قۋاناتىن ەلمىز. كەلگەن ناۋرىز مەرەكەسى ەلىمىزگە قۋانىشىن، ىرىسىن، شاتتىعىن، بەرەكەسى مەن مەرەكەسىن الىپ كەلسىن.
بۇل - وتە كەرەمەت، تاماشا جوبا. بۇرىن سىزدەردىڭ ارنالارىڭىزدا جۇمىس جاساعان ەرتاي ءنۇسىپجانوۆ دەگەن ازامات ماعان جارتى جىل بۇرىن حابارلاستى. سول كىسى قىتايداعى سايىسقا ديماشتىڭ اندەرىن جىبەرۋدى ۇسىندى. ارتىنشا بالالارىمىز ىرىكتەۋ سايىسىنا قاتىسىپ قايتتى. سول جەردەگى ۇيىمداستىرۋشىلار ديماشتى كوپتەگەن ادامنىڭ اراسىنان ىرىكتەپ، سايىسقا قاتىسۋعا مۇمكىندىك بەرىپتى. ونىڭ جالپى ەرەكشەلىگىن وزدەرىڭىز دە كورىپ وتىرسىزدار» ، - دەيدى قانات ايتبايەۆ.
ءانشىنىڭ اكەسى اتالعان بايقاۋدىڭ «سلاۆيان بازارىنا» قاراعاندا الدەقايدا قيىن ەكەنىن تىلگە تيەك ەتتى.
« ءار بايقاۋدىڭ وزىندىك باعىتى بار. اركىم وزىنىكىن مىقتى دەپ سانايدى. « ءانشى» جوباسى، بىرىنشىدەن، تەليەۆيزيالىق بايقاۋ. ول جەردە ءانشىنىڭ ۆوكالىن عانا ەسكەرىپ قويماي، ادامنىڭ جان- جاقتى اشىلۋىنا، تىنىس- تىرشىلىگىن تانىتۋعا كومەكتەسەدى، قاتىسۋشىنىڭ قانداي كيىم كيىپ، قانداي كىتاپ وقيتىنىن ايقىنداپ، وزدەرىنىڭ كورەرمەندەرىنە ۇسىنادى. 24 ساعات بويى كامەرانىڭ استىندا ءومىر ءسۇرۋ وڭاي ەمەس» ، - دەيدى ول.
