قاشاعاننىڭ مۇنايى قىركۇيەكتىڭ 24-ىندە وندىرىلە باستايدى - ساۋات مىڭبايەۆ

استانا. قازاقپارات - قاشاعاننىڭ مۇنايى قىركۇيەكتىڭ 24-ىندە وندىرىلە باستايدى. بۇگىن اقوردادا ءوتىپ جاتقان ق ر ۇكىمەتىنىڭ كەڭەيتىلگەن وتىرىسىندا «قازمۇنايگاز» ۇ ك» ا ق باسقارما ءتوراعاسى ساۋات مىڭبايەۆ ءمالىم ەتتى.

 جيىن بارىسىندا ەلباسى ءبىرقاتار ءوڭىر باسشىلارىن تىڭداي كەلە، قاشاعان ماسەلەسىنە نازار اۋداردى. «ەلىمىزدىڭ كۇتىپ وتىرعانى قاشاعاننىڭ العاشقى مۇنايى. ونىڭ قازاقستانعا، ەلدىڭ دامۋىنا اكەلەتىن پايداسى مول. نە بولىپ جاتىر جاعداي؟»، دەپ سۇرادى مەملەكەت باسشىسى ۇلتتىق مۇناي- گاز كومپانياسىنىڭ باسشىسىنا قاراتا ايتقان سوزىندە. «قاشاعان بۇيىرسا وسى ايدىڭ اياعىندا مۇناي وندىرۋگە كىرىسەدى. سوسىن قاراشا ايىنىڭ سوڭىنا تامان، بۇيىرسا كوممەرتسيالىق وندىرۋگە جەتۋدى ويلاعان جوسپارىمىز بار. ەندى جۇمىستار اقىرىنداپ، بايىپپەن اتقارىلۋدا. بۇيىرسا، قىركۇيەكتىڭ 24-ىندە العاشقى مۇناي ءوندىرۋدى باستاماق»، دەدى «قازمۇنايگاز» ۇ ك» ا ق باسقارما ءتوراعاسى ساۋات مىڭبايەۆ.

 ءوز كەزەگىندە پرەزيدەنت قاشاعانعا قاتىستى ماسەلەنى بايانداپ تۇرۋدى تاپسىردى.

اۆتور: قانات مامەتقازى ۇلى