بەستوبە كەنتىندە زاڭسىز التىن رۋداسىن ۇرلاماق بولعان 24 جاستاعى ەر ادام كوز جۇمدى - اقمولا وبلىسى
بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
پوليتسەيلەردىڭ مالىمەتى بويىنشا شىلدەنىڭ 23 -كۇنى ستەپنوگور قالالىق ءى ءى ب جەرگىلىكتى جەدەل جاردەم قىزمەتىنىڭ مەدبيكەسى حابارلاسىپ، بەستوبە كەنتىندە دەنە جاراقاتىنان 24 جاستاعى قالا تۇرعىنى كوز جۇمعانىن ايتقان.
«اتالعان وقيعاعا بايلانىستى تەكسەرىس جۇرگىزگەن پوليتسەيلەر سول كۇنى زاڭسىز «التىن رۋدالارىن ىزدەۋشى» ءۇش ادام بەستوبە كەنتىندەگى تاستاندى شاحتالاردىڭ بىرىنە تۇسكەنىن انىقتادى. سول كەزدە تاۋ جىنىسى وپىرىلىپ، ولاردى باسىپ قالعان. وسىنىڭ سالدارىنان ۇشەۋدىڭ ءبىرى ءتۇرلى دەنە جاراقاتىمەن اۋرۋحاناعا اپارا جاتقاندا كوز جۇمدى. ال قالعان ەكەۋى ءالى ىزدەستىرىلۋدە.
قازىرگى وسى وقيعا بايلانىستى تەكسەرىس جۇرگىزىلۋدە»، دەپ كورسەتىلگەن حابارلامادا.
ايتا كەتۋ كەرەك، جىل باسىنان بەرى وبلىس بويىنشا پوليتسەيلەرمەن 4000 زاڭسىز «التىن رۋدالارىن ىزدەۋشى» ۇستالىپ، 17 شاعىن سەح پەن قۇرامىندا التىنى بار 17 توننا كۆارتس رۋداسى تاركىلەندى.
اۆتور: اسلان وسپانوۆ
