12:36, 17 - جەلتوقسان 2015 | GMT +5
تۇركيا: س ۋ-24 ۇشاعىنا وتەماقى تولەمەيمىز
استانا. قازاقپارات - تۇركيا سيريامەن شەكارادا اتىپ تۇسىرگەن رەسەيلىك سۋ-24 بومبالاۋشى ۇشاعى ءۇشىن رەسەيگە وتەماقى تولەمەيدى.
بۇل تۋرالى 16 - جەلتوقساندا تۇركيا سىرتقى ىستەر مينيسترلىگىنىڭ باسپا ءسوز حاتشىسى تانجۋ بيلگيچ مالىمدەگەن.
ونىڭ الدىندا رەسەي سىرتقى ىستەر ءمينيسترىنىڭ ورىنباسارى الەكسەي مەشكوۆ تۇركيانى اسكەري ۇشاقتى اتىپ قۇلاتقانى ءۇشىن ءوز ەلىنە وتەماقى تولەۋگە شاقىرعان.
24 - قاراشادا تۇرىك اسكەري- اۋە كۇشتەرى «تۇركيا اۋە كەڭىستىگىن بۇزىپ، ەسكەرتۋلەردى ەلەمەدى» دەگەن ۋاجبەن سيريامەن شەكارادا رەسەيلىك بومبالاۋشى سۋ-24 ۇشاعىن اتىپ ءتۇسىرىپ، ۇشاقتاعى ەكى ۇشقىشتىڭ ءبىرى قازا تاپقان. ءبىراق رەسەي ۇشاقتىڭ «سيريا اۋە كەڭىستىگىنەن شىقپاعانىن» مالىمدەپ، كەيىن تۇركياعا قارسى ەكونوميكالىق سانكسيالار ەنگىزگەن.
«ازاتتىق» جاڭالىعى
