تۇركيا رەسەيگە سۋ-24 وقيعاسىنا قاتىستى كەز كەلگەن تەحنيكالىق اقپاراتتى ۇسىنۋعا دايىن

«ەگەر رەسەيلىك تاراپ وسى جاعدايعا بايلانىستى سويلەسكىسى كەلسە، ءبىز دايىنبىز. ەگەر ولار اقپارات بەرۋىمىزدى قالاسا، ءبىز وقيعانىڭ تەحنيكالىق اقپاراتتارىن تولىقتاي بەرەمىز. ولار قارىم-قاتىناستى جاقسارتقىلارى كەلسە، ءبىز سويلەسۋگە دايىنبىز»، - دەدى پرەمەر-مينيستر ناتو باس حاتشىسى يەنس ستولتەنبەرگپەن بولعان كەزدەسۋدەن كەيىن.

ەسكە سالا كەتەيىك، رەسەي مەن تۇركيانىڭ قارىم-قاتىناسى سيريا-تۇركيا شەكاراسىندا رەسەيلىك سۋ-24 بومبالاۋشى ۇشاعىن اتىپ ءتۇسىرۋ وقيعاسىنان كەيىن بۇزىلا باستادى.

وقيعا 24- قاراشادا بولدى. ب ا ق مالىمەتىنشە، ۇشاق تۇرىكتىڭ F-16 جويعىشىنىڭ «اۋە-اۋە» تۇرىندەگى زىمىرانى ارقىلى اتىپ تۇسىرىلگەن جانە سيريادا، تۇركيانىڭ شەكاراسىنا 4 شاقىرىم جەرگە قۇلاعان. ۇشقىشتاردىڭ ءبىرى ءتىرى قالدى. ر ف اۋە كۇشتەرى باس شتابى شابۋىلعا ۇشىراعان سۋ-24 بومبالاۋشىسىنىڭ تۇركيانىڭ اۋە كەڭىستىگىن بۇزباعانىن مالىمدەدى جانە بۇل مالىمەتتىڭ سيريالىق اۋە قورعانىسىنىڭ مالىمەتتەرىمەن راستالاتىنىن العا تارتتى. ال تۇركيا ۇشاقتىڭ شەكارانى بۇزعانىن ايتىپ وتىر.