رەسەيلىك سۋ- 24 م ۇشاعىن اتىپ ءتۇسىرۋ وقيعاسىنا قاتىستى قازاقستان سىرتقى ىستەر مينيسترلىگىنىڭ مالىمدەمەسى
«2015-جىلعى 24- قاراشادا رەسەيلىك ا ع ك- ءنىڭ سۋ-24 م ۇشاعىن اتىپ ءتۇسىرۋ قايعىلى ينتسيدەنتىنە قاتىستى جاعداي وكىنىش تۋعىزادى. وسى وقيعا سالدارىنان رەسەيلىك اسكەري قىزمەتشىلەردىڭ قازا تابۋىنا بايلانىستى كوڭىلىمىزدى بىلدىرەمىز. قازىرگى ۋاقىتتا تەرروريزمگە قارسى حالىقارالىق كۇرەس جۇرگىزىلۋدە. بۇل باعىتتا رەسەي دە، تۇركيا دا ارەكەت ەتۋدە. قازاقستان دا بۇل كۇرەستى قولدايدى.
وسىمەن قاتار، كوپ جىلدار بويى قالىپتاسقان رەسەي-تۇرىك قاتىناستارىنىڭ ناشارلاۋى قاتتى الاڭداۋشىلىق تۋعىزادى. وسى وقيعا انتيتەرروريستىك كامپانيانىڭ تيىمدىلىگىنە اسەر ەتۋى مۇمكىن.
رەسەي جانە تۇرىك تاراپتارىن اتالعان قايعىلى وقيعاعا قاتىستى دەن قويۋدا ۇستانىمدىلىق بىلدىرۋگە جانە جاعدايدى ءورشىتىپ الماۋ ءۇشىن بارلىق ءىس-شارالار مەن بايلانىس جولدارىن پايدالانۋعا شاقىرامىز»، دەلىنگەن حابارلامادا.
