قاراعاندىدا ساياباقتا كولىكپەن «قىدىرعان» 24 جاستاعى قىز ايىپپۇل تولەيتىن بولدى - كەسكىن
«قاراعاندىلىق پوليتسيا 1991-جىلى تۋعان ازاماتشاعا ورتالىق ساياباقتا كولىكپەن جۇرگەنى ءۇشىن 60 مىڭ تەڭگە كولەمىندە ايىپپۇل سالدى»، دەلىنگەن قوعامدىق بىرلەستىك سايتىنداعى حابارلامادا.
«و س ا» ق ب كۋاگەرلەر تۇسىرگەن ۆيدەونى سايتتارىنا ورنالاستىرعان.
سونىمەن قاتار، بىرلەستىك جەتەكشىسى رۋسلان لازۋتا پوليتسياعا جۇرگىزۋشىنى اكىمشىلىك جازاعا تارتۋ تۋرالى ءوتىنىش جازعان.
تەكسەرۋ جۇمىستارىنان كەيىن، پوليتسيا BMW X5 كولىگىنىڭ جۇرگىزۋشىسى انىقتالعانىن حابارلادى. جاۋاپقا سايكەس، 24 جاستاعى جۇرگىزۋشى قىزعا قاتىستى ەكى اكىمشىلىك حاتتاما تولتىرىلدى. ايىپپۇلدىڭ جالپى كولەمى 59460 تەڭگەنى قۇرادى.
وقيعا 2015-جىلدىڭ 15- مامىرىندا ورىن العان. «ورتالىق ساياباقتاعى اق قايىڭدار اللەياسىنا جۇرگىزۋشى قىز BMW كولىگىمەن كەلىپ، ساياباقتا سەرۋەندەپ جۇرگەن ازاماتتار مەن بالالارعا كەدەرگى كەلتىرگەن»، دەلىنگەن حابارلامادا.
